פסוקים פופולריים מ- रोमी 14

שתפו

काकरेकी परमेश्वरके राजमे खाना पिना महत्त्वपूर्ण नै हो। पर महत्त्वपूर्ण ते यहे बातके बा कि परमेश्वरके संग सही जीवन जिना, और पवित्र आत्मामे विश्वासी संघरियनके संग शान्ति और आनन्दमे रना। जे फेन यहे तरिकासे ख्रीष्टके सेवा करत कलेसे, ऊ परमेश्वरहे खुशी बनाइत, और दोसुर मनै ओकर बारेमे मजा बात बत्वैहीँ।

हम्रे सक्कु जाने परमेश्वरके हुइती। तबेकमारे हमारमेसे केऊ फेन अपन लग किल नै जिए परत, और यदि हमारमेसे केऊ मुअत कलेसे ऊ अपन लग किल नै मुअत।

तबेकमारे हम्रे जबफेन वहे काम करना कोशिस करे परत, जोन कामसे मनैनहे शान्ति मिल्थिन। और एकदोसर जहनहे परमेश्वरकेमे विश्वास पक्का करक लग सहयोग करे परत।

तबेकमारे आबसे हम्रे दोसुर जहनहे दोष नै लगाई। और तुहिन्हे निर्णय करे परत कि कौनो फेन तोहाँर विश्वासी भैया तोहाँर कारणसे परमेश्वरहे विश्वास करना ना छोरे।

जसिके पवित्र शास्त्रमे लिखल बा, “प्रभु कथाँ, ‘मै तुहुरिन्से वाचा करे सेक्थुँ कि हरेक जाने मोरिक आघे ठेहुनी टेक्हीँ। और हरेक मनै परमेश्वरहे स्वीकार करहीँ।’” तबेकमारे हम्रे सक्कु जहनहे अपन कर्लक कामके जवाफ परमेश्वरहे देहे परी।

विश्वासमे कमजोर रहल मनैयाहे ओकर मान्यतक बारेमे कौनो फेन शंखा बिना कर्ले स्वीकार करो, और उहिहे का करे परत या का नै करे परत कहिके उहिसे बहस ना करो।

उ मनैया प्रभुक सेबक हो, तबेकमारे तुँ परमेश्वरके कौनो फेन सेबकहुँक्रिहिन्के न्याय ना करो। ऊ मजा काम करल या नै करल उ सक्कु चिजके सम्बन्ध ओकर मलिक्वासे बतिस। और यदि ऊ मजा काम करल कलेसे उहिहे मजा काम ओकर प्रभुए करवैलिस।