פסוקים פופולריים מ- रोमी 11

שתפו

काकरेकी सक्कु चिज परमेश्वरके थेनसे आइत। ऊ सक्कु चिज बनैले बताँ, और सक्कु चिज हुँकारे हुइतिन। हुँकिनेहे सदासर्वदा महिमा मिलिन। आमेन! (यकर मतलब हुइत, अस्तेहेँ होए।)

आहा! परमेश्वरके धन, बुद्धि और ज्ञान जात्तिकमे कतरा महान बतिन! केऊ फेन हुँकार निर्णयहे व्याख्या करे नै सेकत; केऊ फेन हुँकार डगरहे बुझे नै सेकत।

“प्रभुक मनहे के जानल बा? अथवा हुँकार सल्लाहाकार के हुइल बा?

अस्तेहेँके यी वर्तमान समयमे फेन परमेश्वर अपन अनुग्रहक कारण एकथो यहूदिनके छुटिमुती समूह बा, ओइन्हे अपन सच्चा मनैनके रुपमे रोजल बताँ। परमेश्वर ओइन्हे अपन अनुग्रहसे रोज्लाँ, ओइन्के यी मजा काम कर्लक कारण नै हो। तबेकमारे यदि परमेश्वर मनैनहे ओइन्के मजा काम कर्लक कारण रोज्तिन कलेसे अनुग्रह ते अनुग्रह नै रहिजिना रहे।

अस्तेहेँके इजरायलके मनै एकथो मजा जैतूनके रुख्वक दहियाँ हस हुइँत, और बाबा अब्राहाम, इसहाक और याकूब उ रुख्वक जर हस हुइँत। और गैर-यहूदिनके जङ्गली जैतूनके रुख्वक दहियाँ हस हुइँत। और तुहुरे यहूदिनसे ओस्तेहेँके फाइदा भेटाई सेक्थो जसिके जङ्गली जैतूनके रुख्वक दहियाँ मजा जैतूनके रुख्वक रससे फाइदा उठैथाँ। उ दहियँनके कारण तुहुरे घमण्ड ना करो, जोन दहियाँ काट्गिल रहिँत; और यदि तुँ यम्ने घमण्ड कर्बो कलेसे जन्ले रहहो कि तुँ जरहे नै होके जर तुहिन्हे सम्हारत।