פסוקים פופולריים מ- याकूब 5

שתפו

तबेकमारे तुहुरे एकदोसुर जहनके आघे अपन-अपन पाप स्वीकार करलेऊ। और तुहुरे एकदोसुर जहनके लग प्राथना करो, ताकि तुहुरे चोखाई सेको; धर्मी मनैयक प्राथना शक्तिशाली और प्रभावशाली रहत।

यदि तुहुरिन्मेसे केऊ दुखि बा कलेसे ऊ प्राथना करे; यदि तुहुरे खुशी बतो कलेसे ऊ प्रशंसक भजन गाए।

और विश्वासके प्राथनासे उ बेमार मनैया बँचजाई, और प्रभु उहिहे चोख्वादिहिँ; यदि ऊ पाप फेन करल बा कलेसे प्रभु उहिहे माफ करदिहीँ।

यदि तुहुरिन्मेसे केऊ बेमार बा कलेसे ऊ मण्डलीक अगुवनहे बलाए, और ओइने प्रभुक नाउँमे ओकरमे तेल लगाके ओकर लग प्राथना करिँत्।

तुहुरिन्हे यी पता हुई परना हो, कि यदि परमेश्वरके शिक्षाहे नै मनुइया मनैयाहे केऊ पश्चात्ताप करनामे सहायता करी, कलेसे ऊ उ मनैयक आत्माहे मृत्युमेसे बँचाई। और संगसंगे ओकर बहुत्ते पाप फेन माफी होजिहिस।