פסוקים פופולריים מ- याकूब 3

שתפו

यकर उल्टा जोन ज्ञान परमेश्वरके ओहोँरसे आइत, उ ज्ञान पवित्र और शान्ति फैलैना, कोमल, विवेकशील, भलाइक काम या दयासे भरल, निष्पक्ष और कपट नै रहल रहत।

तुहुरिन्मेसे बुद्धिमान और समझदार के बा? यदि तुहुरे बुद्धिमान और समझदार बतो कलेसे मजा जीवन जिके और उ नम्रतासे जोन तुहुरिन्के ज्ञानसे आइत, तुहुरे मजा काम करे परत।

और जेने मिलाप करवैथाँ, ओइने शान्तिक बिया बुइहीँ, और धार्मिकतक फसल कट्हीँ।

काकरेकी जहाँ तुहुरे अपन-अपन मनमे डाह और स्वार्थ धर्बो कलेसे वहाँ अशान्ति और हरेक मेरके दुष्ट काम हुई।

यहे जीभसे हम्रे प्रभु और बाबक प्रशंसा कर्थी, और यिहिएसे परमेश्वरके रुपमे बनागिलक मनैनहे हम्रे सराप देथी। एक्केथो मुहेँमेसे आशीर्वाद और सराप दुनु निकरत। हे मोरिक विश्वासी भैयो, असिक नै हुई परना हो।

जीभ फेन एकथो आगीए हो; यी शरीरके उ भाग हो, जोन गजब खराब बा। यी पूरा शरीरहे दूषित बनादेहत, और यी नरकके आगीलेके बर्तीरहत, और यी मनैयक जीवनहे नाश करदेहत!

पर जीभहे कौनो फेन मनैया अपन अधिनमे करे नै सेकत। यी एकथो विद्रोही और हानिकारक रहत, और जबफेन प्राणहे नाश करना विषहे फैलाइत।

हे मोरिक विश्वासी भैयो, तुहुरिन्मेसे गोड्गात मनैनहे किल परमेश्वरके वचनहे सिखुइया बन्ना इच्छा हुई परत। काकरेकी तुहुरे जन्थो कि दोसुर जहनके तुलनामे हम्रे शिक्षा देहुइयनके न्याय आकुर धेउर कर्रासे हुई।