פסוקים פופולריים מ- याकूब 1

שתפו

हे मोरिक विश्वासी भैयो, जब तुहुरिन्केमे मेरमेरके परीक्षा आई कलेसे यिहिहे तुहुरे बहुत आनन्दके बात सम्झहो। काकरेकी तुहुरे जन्थो कि जब तुहुरिन्के विश्वास जाँचजाइत, तब तुहुरिन्के सहनशीलता बह्रत।

पर यदि तुहुरिन्मेसे किहुहे बुद्धिक कमि बा कलेसे परमेश्वरसे माँगो, और ऊ तुहुरिन्हे बिना झर्कले दिहीँ। काकरेकी परमेश्वर प्रशस्त रुपमे उ सक्कुहुनहे देथिन, जेने बुद्धि मंग्था।

हे मोरिक प्रिय भैयो, तुहुरे यी बात एकदम मजासे जानलेऊ कि हरेक मनैयाहे सुन्नामे झत्कार, बोल्नामे बेर और रिसैनामे धीमा हुई परत।

अपन परीक्षक समयमे परमेश्वरकेमे अपन भरोसा धर्ले रहहो, ताकि तुहुरे आत्मिक रुपसे परिपक्व और सिद्ध हुइती जाऊ। और तुहुरिन्केमे कौनो फेन मजा चरित्रक कमि ना रहे।

तुहुरे परमेश्वरके वचन पालन करुइया बनो। उहिहे सुनके किल तुहुरे अपनहे धोखा ना देऊ।

उ मनैया धन्यके हो, जे परीक्षक समयमे ईमानदार साबित हुइत। काकरेकी उहिहे सदाकालके जीवनके मुकुट मिल्हिस। जोन मुकुटके वाचा परमेश्वर उ सक्कु मनैनके लग कर्ले बताँ, जेने परमेश्वरहे प्रेम करथाँ।

हरेक मजा और सिद्ध दान वहे परमेश्वरके थेनसे आइत, जे स्वर्गक ओजरारहे बनैलाँ। परमेश्वर सदामान एक्के हस रथाँ, और ऊ बौनी हस नै बदल्थाँ।

काकरेकी यदि तुहुरे परमेश्वरके वचनहे सुन्थो किल और ओकर पालन नै करथो कलेसे तुहुरे उ मनैनके हस हुइतो, जेने ऐनामे अपन मुहाँर हेरथाँ। और जस्तेके ओइने ऐनक आघेसे हट्जिथाँ, ओस्तेके जुरतेहेँ ओइने बिस्राजिथाँ कि ओइने कसिन देखाइतिहिँत।

हमार परमेश्वर बाबक नजरमे बिरकुल शुद्ध और पवित्र विश्वास यहे हो: टुअर लर्कनहे और विधवनहे ओइन्के कष्टमे रेखदेख करना और अपनहे यी संसारमे मिल्ना खराब व्यवहारसे बँचाके धरना हो।

जब केक्रो परीक्षा हुई, तब ऊ असिके ना कहे कि मोरिक परीक्षा परमेश्वर करतताँ। काकरेकी परमेश्वरहे कबु फेन खराब काम करक लग परीक्षामे दारे नै सेकजाइत। और ना ते परमेश्वर कबु फेन केक्रो परीक्षा करथाँ। पर मनै अपने खराब इच्छक कारण खराब काम करना चहथाँ। तबेकमारे ओइने परीक्षामे परजिथाँ।

जोन विश्वासी मनैया गरीब बा, उहिहे खुशी हुई परना हो कि परमेश्वर ओकर आदर कर्ले बताँ।