פסוקים פופולריים מ- निउतरह्या 5

שתפו

तब पत्रुस और दोसुर निउतरह्यन जवाफ देलाँ, “मनैनके आज्ञाहे छोरके परमेश्वरके आज्ञक पालन करना हमार कर्तव्य हो।

यकर पाछे प्रत्येक दिन मन्दिरमे और घर-घर जाके निउतरह्यन हरदम सिखाइँत। और येशूए ख्रीष्ट हुइँत कहिके ओइने प्रचार करिँत।

पर पत्रुस कहल, “ए हननिया! शैतान तोरिक मनमे पवित्र आत्मासे झूँट बोल्ना विचार दर्ले बा। और अपन बेँच्लक जग्गक मोलके एक हिस्सा तैँ अपन लग धारलेले बते। का बेँच्नासे आघे उ जग्गा तोरिक नै रहे? और जब तैँ बेँचदर्ले तब फेन उ तोरिके अधिकारमे नै रहे का? तोरिक मनमे यी खराब काम करना विचार कहाँसे अइलस? तैँ मनैनहे नै होके परमेश्वरहे ठग्ले बते।” यी बात सुन्ती किल हननिया भुइयाँमे गिर पर्लस, और ऊ मुगिलस। और यी बात सुनुइया सक्कु जाने डरागिलाँ।

तबेकमारे मै तुहुरिन्हे कहतुँ, यी मनैनसे दूरे रहो। और ओइन्हे कौनो वास्ता ना करो। काकरेकी यदि यी योजना या यी काम मनैयक ओहोँरसे हुई कलेसे यी मेट्जाई। पर यदि यी परमेश्वरके ओहोँरसे हो कलेसे तुहुरे ओइन्हे कबु फेन मेटाई नै सेक्बो। कहुँ असिन ना होए, कि तुहुरे परमेश्वरसे फेन लरुइया ठहरजाऊ।”