פסוקים פופולריים מ- Rom 16

שתפו

Ka̱za ka a̱ wwat myyi rya ni a̱ ni tyyi yi shai Ka̱ta̱nyrang a̱nyyan a̱byen nyin ba̱nyying. N naai aliheri Yesu Kristi a̱ swrang a̱za̱ nyin.

N ya tyyei, ba̱wumbeyang, yi ta̱rwam bu ba̱nyet ba a̱ kyyai swat ba̱nyet a a̱ bo ta̱ruk ba̱nyet tssup ba ni. Mba a̱mi a̱ rak tssup zzek a yi ka̱n san ni. Yi wruk ryen mba na sem.

Ba̱nyet yya nkyang iya a̱ yet ba̱nyet tssup Yesu A̱gwam njit ba ba, ba kwan bu di na̱hwa mba. Ka̱sak ka ban bvwo ba̱ryat ba ni, se ba raai ba̱nyet sang hywak ba̱gingang a̱ tyyi an dong.

Zi dyep Ka̱za, a̱ntyok cet, nu a̱mi a̱ maai a ya breng yi sseng di cet i tssup nyin na ni di Ka̱sham Ba̱ryat Yesu Kristi ka n tyyei ni; ka̱yat mba a̱mi ban tyyei kyang ka̱ryong a yin shyi nrang nyyai gba̱gbang ni. Ba̱nyying ka a̱mi ba sin kpo tyyang a̱ si bo tyyei nwap a sa̱rei, ka̱sak ka ba yin jem ka̱yat a̱kpa ba̱nyet tyyei ba̱ryat Ka̱za ba ni. A̱mi Ka̱za ka shyi nyyai ndoson ni ka yin tyyi ba yya, a̱ ga kwwat nwap a ba san ba̱ryat ba a̱ bo ba̱ tssup. Zi dyep Ka̱za har a̱ba̱da, nka ba̱diyin a̱ byyi bvwo ba̱ a̱za̱ncyi, zi ka̱ dyep rot Yesu Kristi! Amin!