פסוקים פופולריים מ- मर्कुस 9

שתפו

येसु दोअ्हि, “का इसिका पालि माद्वाङ दोअ्तेङ नाअ् लिता साङखा हिलि माएल! जेसापा हिदोइ बुङ द्‍याङ का ह्रुता खाङधुरि पाखे कालाउ गोताङ काथा सम्भब हि।”

इसिका हिङतेङ आबा चाहि ह्रिकाइतेङ दोअ्हि, “नेउ, का खाङधुरि पाङका। काङको खाङधुरि मापाकाता कासेहेङ साघाइपि।”

येसु कालाउ चात्यागेलाइ साअ् भारि घुरिहि चात्यागेलाइ ए-कुन्हाता येसुहेङ हिअ्हि, “केलाइ चाहि इङको भुत-आत्माहेङ हाइ पालि ओल्लेपालि मादोन्हाहि?” कालाउ येसु दोअ्हि, “इन्सिका खाल्को भुत-आत्माहेङते प्रार्थानासो खिनिङ ओल्लेपालि दोअ्खे।”

देसेते एनोङ आवस्यक आमेने दोङ हि कालाउ देसे दोङ चेचेका जेङनु हाइहोइ ताइका बानाइलि? नेलाइको ता-ताइमिता “देसेको गुन हिलि गोइखे कालाउ एमिसो भेनेङ दोफा सान्तिसो मिलितेङ हिलि गोइखे।”

“जेसापा हिदोइ बुङ द्‍याङ का ह्रुता खाङधुरि पाखे दोअ्तेङ एमि जामालहेङ दाया तिङपाखे पानु वा जातिङको आदार पाखे। कालाउ हिदोइ बुङ द्‍याङ कासेहेङ आदार पाखे पानु जातिङको परमेस्वरको आदार पाखे जाइ कासेहेङ दिङगिल्हि।”

जातिङ भारि का नेलाइहेङ दोअ्खा, “हासु बुङ नेलाइहेङ ख्रिस्टको द्‍याङ दोअ्तेङ ए गिलास चि आम्लि खिनिङ पिनु वा हेसा पालाउ बुङ इनाम निनावा।”

येसु आरोङ दोअ्हि, हासुहेङ बुङ ताइको निर्घाता जान्ता तोइतेङ समुन्द्रता थाल्लि मारेम्का साजाइ दोङ हि। कालाउ जेसापा हासु बुङ काङको ह्रुता खाङधुरि पाका इदोइ म्हुइकालाइको मध्ये एमिहेङ बाधा पिनु वासेहेङ इदोइ खान्तेङ मारेम्का साजाइ जेनावा।

जेसापा नेलाइ पाप पालिको भाअ्सिङ ताइको मिसियाँहेङ पाप पालि लागाइलि सोचितेङ हिका हिसुना पानु इङकोहेङ ओल्ले पापि। न्हेनोङ मिसियाँ नरकता हानिका खाङतेङ भरु कान्हाँ जेङतेङ परमेस्वरको सासनता दुल्लि हेन्जाङ रेम्काङ जेनाङ।