פסוקים פופולריים מ- मति 21

שתפו

जेसापा खाङधुरि पातेङ प्रार्थानाता जेदोङ ह्रेस्वाना पानु नेलाइ इङको निङस्वाना।

येसु जोबाफ पिहि, नेलाइहेङ का जातिङ भारि दोअ्खा, जेसापा नेलाइता खाङधुरि हिनु कालाउ इङकोता साङखा मान्थुनु, इङको लाब्राको सिङहेङ जेसा का पाका भाइपाङ पालि दोअ्स्वाना, इङको झोको खिनिङ माको, नेलाइ इङको राहेङ समुन्द्रता हुल दोअ्नु एन्साङ जेनावा।

झाराङ ह्रिकाइकाताङ हिघाहि, आधिमि द्‍याङगेलाइ येसुको आगा-आगाता तेघाहि। आधिमि द्‍याङगेलाइ येसुको न्हु-न्हु तेगिल्घाखे। कालाउ द्‍याङगेलाइ इसिका दोअ्तेङ ह्रिकाइलि तेङहि, राजा दाउदको चानको जय ज्याको! प्रभुको मिङता लोका धन्यको हि! स्वर्गको परमेस्वरको बाखिन पासु।

येसु इन्ता हिका द्‍याङगेलाइहेङ दोअ्हि, धर्मसास्तरता इसिका लेखेका हि, काङको साअ् प्रार्थाना पाकाको साअ्। कालाउ नेलाइ चाहि परमेस्वरको साअ्हेङ डाकागेलाइको आरडाङ बानाइसुन्हा।

“सियोनको द्‍याङगेलाइ दोअ्सु, खाङसु, नेलाइको राजा नेलाइकोता लोदोङखे, मोनोइ जेङतेङ गधा ह्रुता सवार जेङतेङ, एनोङ गधाको चान ह्रुता धोल्तेङ।”

येसु इम्बालाइहेङ दोअ्हि, जातिङको नेलाइ धर्मसास्तर पढेका हिसुना, जेदोङ उन्ठुइहेङ मिस्तिरिगेलाइ थाइगिल्हि, इङको ओदोङ मुलि उन्ठुइ हि, जेदोङ पुरा साअ् धाम्लि मुलि उन्ठुइ जेङहि, इङको प्रभुसो जेङका हि, कालाउ केलाइको द्रिस्टिता या भारभुसाइका हि।

ओदोङ भाअ्सिङ का नेलाइहेङ दोअ्खा, “परमेस्वरको सासन नेलाइकोसो घिनावा। कालाउ न्हुसो परमेस्वर इसिका गैर-यहुदिगेलाइ प्यावा, जाइ परमेस्वर ताइको सासनता गोइका भाइकाङ फलपाकल सेपावा।”