פסוקים פופולריים מ- Arumi 3

שתפו

Antu voong'e vatendie mahutye na ukefewa na weru wa Muungu. Ëgweeso gwa dahwa a mboto a Muungu antu voong'e vëutendwaa vëyanjëke usonge akwe gwa njëa amwa Kiristo Yesu nëwavakhomoe.

Muungu uguvatendaa antu vëyanjëke usonge akwe gwa njëa a uhuvëi wawe fana Yesu Kiristo, Muungu ugutendaa uvi gwa antu voong'e nëvëuhuvëa, gutie ubaghui mbanduvë.

Muungu wamudwëye mweeso gusoko gwa saghami akwe, atëndeke njëa a uvahegheya antu mahutye awe gwa. Uhuvëi watëndie vii adahe uvaraghëëra mwino mweeso ughookie. Kheengë, Muungu na mughimu inakeeraa mahutye a antu, ëgweeso itungwee ërëë, uguyasughulëkëa mahutye a antu adahe uraghëëra ughoke wakwe. Gwa uvii Muungu mughonjo uguraghëëra mwino mweeso ughokie na mwino ugumutëndaa muntu gëkaku në umuhuvëe Yesu ayanjëke usonge akwe.

Gusoko gutie mwaamuntu woong'e nëugutendwaa ayanjëke usonge a Muungu gwa ukwatëëra Seria. Mwëmo wa Seria unë umuraghëëra gutufu muntu mwino watendie mahutye.

mwino yiandëkiwe: “Gutie mba umwedu në wina tutë, gutie, gutie mbanduvë, Gutie muntu neumanyie, mbesa nëugumufenjaa Muungu. Voong'e vëhutaanëe, voong'e vina ihondo gutie nëugutendaa në maja, gutie mba umwedu.”

Uvii, gugunë mwino muntu ugumanyëkaa munya tutë gwa uhuvëi na ti gwa ntendo ya seria.

Gutie mbanduvë! Mureki Muungu atende tutë na muu muntu atendeke mweegheeghe, mwino yiandekiwe, “Vee Muungu, fana ugurighëtya, nkhani yako unë ya tutë, nanë fana uramwui, veve uguhumaa.”