פסוקים פופולריים מ- Romatɔwo 6

שתפו

Kue nye nu si nuvɔ̃ tsɔna xea fee, ke nunana si Mawu na faa lae nye agbe mavɔ, esi ame siwo le hadede me kple Kristo Yesu mía Aƒetɔ la, xɔna.

Mele be nuvɔ̃ nagaɖu mia dzi azɔ o, elabe miegale se te o, ke boŋ Mawu ƒe amenuvenu tee miele.

Eya ta esi wole mawutsi na mí ko la, míeku abe eya ene xoxo, eye woɖi mí kpakplii. Ale be, abe ale si wofɔ Kristo tso ame kukuwo dome le Tɔ́ la ƒe ŋutikɔkɔe me ene la, nenema ke míawo hã míanɔ agbe yeyee.

Migaɖe asi le miaƒe ŋutinu aɖeke ŋu na nuvɔ̃, ne wòatsɔe ayi nuvɔ̃ɖi aɖeke wɔ gee o. Le esia teƒe la, mitsɔ mia ɖokui kè Mawu faa boŋ, abe ame siwo woɖe tso ku me va agbe me la ene. Miɖe asi le miaƒe ŋutinuwo ŋu na Mawu, be woanye ŋudɔwɔnu siwo wòatsɔ awɔ nu dzɔdzɔe lae.

Míenya esia be woklã nɔnɔme xoxo, si nɔ mía si la, ɖe atitsoga ŋu kple Kristo, be ŋutilã sia, si lɔ̃ nuvɔ̃ wɔwɔ la, natsrɔ̃ ɖa keŋ, ale be míaganye nuvɔ̃ ƒe kluviwo azɔ o.

Alea ke wòle be miawo hã miabu mia ɖokui, be yewoku na nuvɔ̃, eye azɔ yewole agbe na Mawu le ɖeka si miewɔ kple Yesu Kristo ta.

Azɔ nya ka gblɔ ge mía la ? Ɖe míagblɔ be mínɔ nuvɔ̃ wɔwɔ dzi, ale be Mawu hã nanɔ mía nu vem ɖe edzi wua? Gbeɖe! Ale ke wɔ mí ame siwo ku na nuvɔ̃ xoxo la, míaganɔ ewɔwɔ dzi?

Mienya nyuie be, ne mietsɔ mia ɖokui wɔ subɔlawoe na ame aɖe, be yewoaɖo toe la, miezu ame si ƒe gbe dzi wɔm miele la ƒe kluviwo. Nenye nuvɔ̃ ƒe gbe dzie miewɔ la, yomedzenu lae nye ku; nenye Mawu ƒe gbe dzie miewɔ la, yomedzenu lae nye nu dzɔdzɔe wɔwɔ.

Akpe na Mawu kakaka! Elabe mi ame siwo nye nuvɔ̃ ƒe kluviwo tsã la, mieva xɔ nufiafia sia kple dzi blibo hele edzi wɔm pɛpɛpɛ. Ale be miedo le nuvɔ̃ si me, eye mieva zu Mawu ƒe kluviwo, be miawɔ nu dzɔdzɔe.