פסוקים פופולריים מ- Deuteronomium 28

שתפו

“Os byddwch chi wir yn ufudd i’r ARGLWYDD eich Duw, ac yn gwneud yn siŵr eich bod chi’n cadw’r gorchmynion dw i’n eu rhoi i chi heddiw, bydd e’n eich gwneud chi’n fwy enwog na’r cenhedloedd eraill i gyd.

Byddwch yn derbyn llond gwlad o fendithion os byddwch chi’n ufudd iddo

Bydd yr ARGLWYDD yn gwneud i chi arwain, ac nid dilyn. Byddwch chi ar y top, dim ar y gwaelod – dim ond i chi wneud yn siŵr eich bod chi’n cadw’i orchmynion e, y rhai dw i’n eu rhoi i chi heddiw.

Bydd yr ARGLWYDD yn agor ei stordai yn yr awyr, ac yn rhoi glaw yn ei dymor i’r tir. Bydd yn bendithio popeth wnewch chi. Bydd gynnoch chi ddigon i’w fenthyg i genhedloedd eraill, ond fydd dim angen benthyg arnoch chi o gwbl.

Bydd yr ARGLWYDD yn achosi i’r gelynion sy’n ymosod arnoch chi gael eu taro i lawr o flaen eich llygaid! Byddan nhw’n ymosod arnoch chi o un cyfeiriad, ond yn dianc i bob cyfeiriad!

Bydd yr ARGLWYDD yn llenwi’ch ysguboriau chi, ac yn bendithio popeth wnewch chi – ydy, mae e’n mynd i’ch bendithio chi yn y wlad mae’n ei rhoi i chi.

Cewch eich bendithio ble bynnag ewch chi.

Cewch eich bendithio ble bynnag dych chi’n gweithio.

Bydd bendith ar eich plant, ar gynnyrch eich tir, ac ar eich anifeiliaid i gyd – bydd eich gwartheg, defaid a geifr yn cael lot o rai bach.

Bydd yr ARGLWYDD yn cadarnhau mai chi ydy’r bobl mae e wedi’u cysegru iddo’i hun, fel gwnaeth e addo, os gwnewch chi wneud beth mae e’n ddweud a byw fel mae e eisiau.

Bydd digon o rawn yn eich basged, a digon o fwyd ar eich bwrdd.

Bydd yr ARGLWYDD yn gwneud i chi lwyddo bob ffordd – cewch lot o blant, bydd eich anifeiliaid yn cael lot o rai bach, a bydd eich cnydau’n llwyddo yn y wlad wnaeth e addo i’ch hynafiaid y byddai’n ei rhoi i chi.

Wedyn bydd pawb drwy’r byd i gyd yn gwybod mai chi ydy pobl yr ARGLWYDD, a byddan nhw’n eich parchu chi.

Ond rhaid i chi beidio crwydro o gwbl oddi wrth y gorchmynion dw i’n eu rhoi i chi, a pheidio mynd i addoli duwiau eraill.

“Ond os byddwch chi’n gwrthod gwrando ar yr ARGLWYDD eich Duw, heb wneud yn siŵr eich bod chi’n cadw’i orchmynion a’i ganllawiau e, bydd llond gwlad o felltithion yn dod arnoch chi!