פסוקים פופולריים מ- Matyò 19

שתפו

Pîza Njisə̀s ə naynə̂ ghənə ə pìə nə, “Sê wùə m̀sɔ̀ŋ, zɨnə mə vayn kaʼa ze kyayn, pîza ghɛghe əkɨ̂m pɔynə̂ kə nyî sê Zhə̀fè.”

Ə ghənə kɛsê vachi ə̀ghɨ ə̀pɛ̀ pîza nyi wùə èmɔ̀ʼ. E za nyi nə nâʼàpî ghè vɛ ə Zhə̀fè tsɨ̀yntè, kə wùə m̀sɔ̀ŋ chyase.”

Njisə̀s ə pə̀ynsə̀ sê ghənə nə, “Ghàyn paʼà tɔŋɔ̂ ə Ŋwàʼlè ə̀ Fèzhə̀ nə, ə̀ tè nyi ə zhə̀te ə̀ mbi, Zhə̀fè ə pomə wùndômə̀ è wùzhɔyn ə?” Zhə̀fè tè pi nə, “Kûmə̀ zɨnə mə, wùndômə̀ tə ndô zâ pɨ̀a vəyn è nyìə vəyn, ə è ndu tsɨ̂yntè yî zhwîə vəyn, ə ghənə ə pɛ̀ kɛsə ə nyi ke sə afɨa àmɔ̀ʼ.

Njisə̀s ə pìə sê chùmtè èpàm sə vəynse nə, “Ghàyn za mɨ̂ətə̀m ə m̀ pəyn sê Mi, kə ghàyn fɨyn tâmtè ghənə kûmə̀ nə fɔ̂yn ə Fezhə̀vè nyì sê ghɨ ghɛ ə ghe nyi nyiə kə ghənə.”

Pîza tsɨ̀tsɨ̂ ə̀ghɨ̀ ghɛ ə ghe nyi əshi zôyn, tə pə̂ ə nyi epàm, ə ghɨ ghɛ ə ghe nyi epàm zôyn tə pə̂ ə nyi əshi.”

Ə nâʼàpî ndè vɛ è nyi mə è və zà ndɛse, kɨ̀sə əghɔnyì ə ndômnə̀, è ghe zənə, kɨ̀sə pɨ̀a è nyì, kɨ̀sə ghɔyn, kɨ̀sə mfûʼ kûmə̀ èzə zɨme, tə kɛsə̂ kyiə əghɨ nə ghɨ̂yn è fɨa nə vɨ̂yn shîŋə̀tè wəve ə è fɨyn kyi endam zɛ ə ze tə mîə va.

Njisə̀s ə pìə sê vəyn nə, “Ə̂ ò kɔ̀ŋɔ̀ sə̂ nyi chichi ə Zhə̀fè əshi, o ndùə pəʼlə̂ èfɨa vɛve nâʼà èkɨ̂m ə fo èkɛ ətəyn sê ghɨafɨfə. Ə ò nə̀yn zɨnə mə, ə ò tə kyî èghaʼ ekwùtwəynze. Ə̂ ò se pə chûmtə̀ mi.”

Njisə̀s ə pə̀ynsə̀ sê vəyn nə, “Kûmə̀ ghè ə ò pfɨfə sê Mi ghɛ zɛ ə ze tsɔ̂fə̀ ə? Ə̀ nyì ke wùə èmɔ̀ʼ kə è tsɔ̀fə̀. Ə ò kɔ̀ŋə̀ se kyi endam zɛ ə ze tə mîə va, o ndə̀mə̀ èlwɔ̂ŋ ə Fezhə̀vè.”

M tsâ kwəynsə̂ sê ghàyn nə, e pɔynə̂ sê nyàm ə̀ kwaŋ se tɔynə apùʼ ə saʼke tsɛ̂ kə wùə èghaʼâ nji elùʼ efɔ̂yn ə Fezhə̀vè.”

M tsâ sê ghàyn nə, ə̂ chùm pîndè zhwîə vəyn ə̀ va ke nə wùzhɔyn ə̀təyn kwîə ndò, ə kyì ə wûə nə vɛ njì wùzhɔyn ə̀ ndò, ə nyi mə è və kwì kwàlə̀kè.”

Njisə̀s ə ke pì sê chùmtè èpàm sə vəynse nə, “M pîə sê ghàyn səmɔʼ nə, e tə nə̂ ə zə tɛ nâʼà sə ŋaŋ sê wùə èghaʼâ se nji elùʼ efɔ̂yn ə Fezhə̀vè.