Kiyaghneghem kelengaksaghqaqiisi seghleghqelleghqaghpesineng, seghleghqellghiitesaghqaqiisillu. Enkaam quyaghllagllequsi nekevegkufsi sivungakun nighughqellghan. Kiyaghneq taananginaghhaaguq Kiyaghneq, yugulikaqiinkut Atanemteggun Jesus Christ‑am tuqullghakun. Ima tazimakerugllak, maaten, quunperugllak kenlengunaan Kiyaghneq aangeghllagtuq, aghtughyaghqaanghiteghllagtuq, igleghutngwaa sangwaa qamagtengngwaaghluku, aghtughyaghqaqenghitaa sangwaa qamagtengngwaaghluku. Kiyaghneq usuqli. Amen.