פסוקים פופולריים מ- أيث-روما 1

שתפו

أَقَا نش وَار تْسذْحِيغ شَا زِي لْإِنْجِيل لِأَنَّا لْإِنْجِيل ذ جّْهذ نِّي إِݣ يسْخدَّام أَربِّـي بَاش اَذ يسنْجم مَارَّا وِي غَا يَامْنن: أَيث-إِسْرَائِيل ذ يمزْوُوْرَا ثُمَّا يِنِّي وَار يدْجِين شَا زِي أَيث-إِسْرَائِيل.

أَربِّـي يسْبيّن-اَنغ-د ذِي لْإِنْجِيل مَامّش غَا نمْصْڒَاح اَكِذس، مَانَايَا س لإِيمَان وَاحْذس. مَامّش يقَّار لْكِتَاب: <ونِّي يدْجَان نِيشَان اَذ يعِيش س لإِيمَان.>

زݣ وَامِي ثدْجَا دُّنشْت-أَ، مِين وَار يتْوَاࢲرّن ن أَربِّـي يعْنِي جّْهذ نّس يتْدُوْمَان ذ طَّبِيعَا نّس يُوْعْڒَان، نْفهّم-يثنْت نْࢲرّ-يثنْت مْلِيح ذِي ثْمسْڒَايِين يتْوَاخڒْقن. عْلَاحْسَاب مَانَايَا يوْذَان وَار غَارْسن بُو لْعُدر.

وَاخَّا نِثْنِي تُوْغَا سّْنن أَربِّـي، وَلَكِن وَار ث حمِّيذن شَا وَار ث ثْشكَّرن شَا مَامّش يتْخصَّا اَذ ݣّن اَك أَربِّـي. لْأَفْكَار نْسن ذوْڒنْت خْوَانْت، ؤُڒَاون نْسن ذ يبُوْهَاڒِيْين ذوْڒن ذ ثَادْجسْت.

كَّرن بدّْڒن لْحَقِيقَا ن أَربِّـي س يخَرِّيقن. عبّْذن خدّْمن إِ مِين يتْوَاخڒْقن مَاشِي إِ أَربِّـي لْخَالِق، ونِّي إِي ذِي ثدْجَا لْبَرَكَا إِ ڒبْدَا ن ڒبْدَاث. آمِين.

فَا يمظْهَار-د وغْضَاب ن أَربِّـي زݣ وجنَّا خ مَارَّا شَّرّْ ذ ڒْبَاطڒ إِي تݣّن يِوْذَان يعْنِي يِنِّي يتْبطَّاڒن لْحَقِيقَا س شَّرّْ نْسن.

ثُمَّا يسلّم-يثن أَربِّـي إِ شّهَاوَاث نْسن إِي ثن يفضْحن. كَّرنْت ثمْغَارِين بدّْڒنْت يرْيَازن س ثمْغَارِين. ؤُڒَا ذ يرْيَازن كَّرن سمْحن ذِي ثمْغَارِين، ثكَّر ذَايْسن ثْمسِّي يجّن خ ونّغْنِي، أَرْيَاز يفسّذ اَك ورْيَاز. س مَانَايَا جبْذن-د لْعِقَاب إِ يِيخف نْسن إِي سْذَاهدْجن خ ڒمُوْنْكَار إِي تݣّن. سّنِّي نِثْنِي وَامِي ؤُݣِين اَذ سّْنن أَربِّـي، يسلّم-يثن إِ ڒَعْقُوْڒَاث نْسن ينْفضْحن اَذ ݣّن مِين وَار يحْڒِين.

حسّْبن خ يِيخف نْسن ذ يمِيغِيسن، نِثْنِي ذوْڒن ذ يبُوْهَاڒِيْين. بدّْڒن لْعَظَمَا ن أَربِّـي يدَّرن إِ ڒبْدَا س لْأَصْنَام يتْشَابَّاهن ذݣ يِوْذَان إِي غَا يفْنَان، ذ لْأَصْنَام يتْشَابَّاهن ذݣ يِجْضَاض ذ لْحَيَوَانَاث ذ مِين يتنْحُوْرُوْذن.