פסוקים פופולריים מ- أيث-ؤفسوس 2

שתפו

لِأَنَّا نشِّين ذ ڒْخذْمث ن سِيذِي أَربِّـي، ئِخْڒق-اَنغ-د ذِي عِيْسَى لْمَسِيح بَاش أَ نݣّ ڒخْذَايم ثِصبْحَانِين. نِثنْتِي يسوْجذ-اَنغ-ثنْت-يد أَربِّـي زِي قْبڒ بَاش اَثنْت نخْذم.

أَقَا س اَرْضَا ن سِيذِي أَربِّـي إِي زِي ثْنجْمم وَامِي ثُوْمْنم. مَانَايَا وَار زَّايْوم د يتكّ شَا زِي كنِّيو؛ لَّا، مَانَايَا يتكّ-د زِي لْهَدِيَا ن أَربِّـي. مَانَايَا مَاشِي عْلَاحْسَاب لْحَسَنَاث نْوم لَّا، بَاش ؤُڒَا ذ يجّن وَار يتفْتَخَر شَا زݣ يِيخف نّس.

وَلَكِن أَربِّـي س ڒمْحِبّث نّس إِي يݣَّا إِ نشِّين ذ اَرَّحْمث نّس ثَمقّْرَانْت اَطَّاس، مِين ذَانغ يݣَّا نتَّا؟ ئِسدَّر-اَنغ اَك لْمَسِيح وَاخَّا نشِّين س وُوْڒَاون نّغ نمُّوْث عْلَاحْسَاب ڒْمُعْصِيَاث نّغ. إِيوَا س اَرْضَا ن سِيذِي أَربِّـي إِي زِي ننْجم.

ثُمَّا يسكَّر-اَنغ-د اَك لْمَسِيح يسْغِيم-اَنغ ذݣ يمُوْشَان ن وجنَّا س عِيْسَى لْمَسِيح.

إِذن، ڒخُّو كنِّيو وَار ثقِّيمم شَا ذ يبَرَّانِيْين نِغ ذ يمزْذَاغ. لَّا، ڒخُّو كنِّيو ذ يمْعَاشَرن اَك صَّالِحِين يعْنِي يُوْشَا-ٱوم أَربِّـي لْجِنْسِيَا اَكِذْسن ثْذوْڒم ذ ڒحْبَاب ن ثدَّارْث ن أَربِّـي. ثَدَّارْث-أَ نتَّاث ثبْنَا خ دْسَاس ن يِيزْرَا يدْجَان ذ اَرُّسُل ذ لْأَنْبِيَا. أُو لْمَسِيح س يِيخف نّس اَقَاث ذ اَزْرُو نِّي يدْجَان ذݣ ومْشَان اَصبْحَان ذِي ثْغمَّارْث ن دْسَاس نّس.