פסוקים פופולריים מ- ڒخذايم 5

שתפו

ئِنْدق-د اَرَّسُوْل بُطْرُس ذ اَرُّسُل نّغْنِي نَّان-اَسن: "ئِتْخصَّا-يَانغ أَ نْطَاع إِ أَربِّـي مَاشِي إِ يِوْذَان!

قِّيمن مكُڒ نْهَار تْرَاحن غَار ثمْزِيذَا ثَمقّْرَانْت، تْرَاحن زِي ثدَّارْث اَڒ ثدَّارْث سڒْمَاذن تْبشَّارن س عِيْسَى بلِّي نتَّا ذ لْمَسِيح.

ينَّا-ٱس بُطْرُس: "آي أَنَاس، مَايمِّي ثجِّيذ شِّيطَان اَش يغَرّ يُوْذف ذݣ وُوْڒ نّش ثسْخرّْقذ خ أَرُّوْح يقدّْسن ثسْنُوْفَّرذ شَان ن تْمنْيَاث إِ يِيخف نّش زِي تْمنْيَاث ن ثْمُوْرْث نِّي؟ ثَمُوْرث نِّي تُوْغَا ثدْجَا نّش مَارَّا قْبڒ إِي ت غَا ثزّنْزذ؟ وَامِي ثْزّنْزذ ثَمُوْرْث نِّي، تْمنْيَاث نِّي مَارَّا دْجَانْت نّش كُلْشِي." ينَّا-ٱس: "مَايمِّي ثنْوِيذ ذݣ وُوْڒ نّش مَانَايَا؟ قَا وَار يدْجِي ثسْخرّْقذ خ يِوْذَان، قَا ثسخرّْقذ خ أَربِّـي." وَامِي يسْڒَا أَنَاس إِ وَاوَاڒ نِّي، ئِوْضَا غَار ثْمُوْرْث يمُّوْث ذِنِّي. ئِوْذَان مَارَّا إِي د يارِّين ڒخْبَار-أَ ݣّْوْذن اَطَّاس.

ڒخُّو اَكنِّيو نصْحغ اَذ تْبعّْذم إِ يِوْذَان-أَ، أَثن ثجّم. مِين نوَّان نِغ ذ مِين خدّْمن، مڒَا زَّايْسن وَاهَا اَذ يقْضَا. مڒَا مَانَايَا زِي أَربِّـي وَار ثْزمَّرم شَا اَخَاسن ثقْضَام. غَارْوم اَذ تَافم يخف نْوم تْمنْغَام اَك أَربِّـي!"