פסוקים פופולריים מ- Baloma 3

Ndaba nimwabo banatende wubi, pe banashalili ku wuwahe wa Nyambi. Ngoboni bakwolokeshiwa tuhu na nceshe za Nyambi, mu kulamwina oku kuli muli Yeshu Kilishitu.

Nikwo kwoloka kwafumanga kuli Nyambi, kuya kwezanga ku baya nimwabo banakulupili muli Yeshu Kilishitu. Nyambi watendanga ebye ku baya nimwabo bakwitabila muli Kilishitu, ndaba kowa kutapuluka.

Nyambi wamutupwile, ngayi na mukeza wendi, mwanga enge shihingo sha wubi wa bantu bakukulupila mumwendi. Nyambi watendele ebye ngayi amoneshe kwoloka kwendi, ndaba ku mwaka watatililile, pe wayatililile wubi wa bantu. Watendele ebye ngayi amoneshe kwoloka kwendi ha shikati shino ngayi niye wa kupwisha kami niye ukwolokesha ou nimwendi ukukulupila muli Yeshu.

Nohobene kowa muntu hinge umo ukolokeshiwa ku meho a Nyambi ha kutenda ebye ndayano zikushinga, ndaba mu ndayano nimo bantu balimukilanga ngayi banatende wubi.

Ngonehe kwatikitiwa ngayi, “Kowa muntu wa kulunga, kowa hinge umo, kowa mukaku yuvwishisha, kowa mukakushingishisha Nyambi. Bantu nimwabo banashanuku banafutamini Nyambi, nimwabo hamo banayi ku byabibi, kowa hinge umo ukutenda byabiwahe, kowa hinge umo.

Nohobene tukulimuka ngayi muntu ukwolokeshiwa kuli Nyambi na kukulupila, kaliha na kwombatala ndayano.

Byo, kaliha noho! Nyambi wenga wa kupwisha, hinge ndi muntu nimwendi ukwinga wa mahalo. Nehi kwatikitiwa ngayi, “Obe Nyambi mwanga bantu balimuke ngayi wambanga bya kupwisha, kami kowa wakupitakana kuyata kwobe.”