פסוקים פופולריים מ- Walumi 14

שתפו

Hambi wutemi wo Mulungu nha si wuli mu wutye no wungʼwe, langa wuli mu wilingʼano, no mulamu, ne nyemo mu Muhe Mono Yelile. Na mono yakumwitumamila Kilisito nha vivyo, yakuwa kumwendeza u Mulungu, no kulumbwa ne wanhu.

Hambi hono ciwumipe, nha cikumuwumipilo Muwaha, hamba hono cifwe, cikumufwilo Muwaha, holeka hamba ciwumipe, hamba cifwe, cili wo Muwaha du.

Holeka yicinojeye cizibate nhondo zose izinghani zono ziletaga mulamu, na zono zikucitaza kwiyizenga sese wose.

Holeka cilece kwilingʼaniza, langa ciyohaje ho cilece kuwa cikobazo hamba hadodo kuli muyetu, hamba kumupela soko yo kwituma wubi.

Hambi i Mandiko nha gakutya, “Nha vyono ane nili mumi yakutya u Muwaha, Munhu wo wose kofugamila, No munhu wo wose kovumila vyono yo nene u Mulungu.” Holeka wose cololonga hali Mulungu munhu na zakwe.

Mosuma kumubocela kuli nyenye, u munhu mono yasoceye mu wihuwilo, ninga mulece kuwangana nayo kuli ze mahweso gakwe.

Hambi alu agwe wuli nani, mono kumulingʼaniza u mwitumami wa yunji? Na hono yeme hamba hono yagwe, yo nghani yo Mutwawe, heya, kokwimywa no kusikamywa, hambi u Muwaha nha yadahile kumwimya.