פסוקים פופולריים מ- Rumawaraita 6

שתפו

Manusawa kua yanepuxuwerasawa rikuyara, maa kua prezenti sikuyaraimawaa Deus uxariwaa yande arama aete kua mundu tiwa upawa irumu kua Kristu Jesus yaneruixawa.

Ape tikuri pepuxuwerasawa umundu penye nyãse timaa peiku Deus nyenga kuximawara rese maa peiku ipurangasawa rese.

Ape batizmu irumu yayumimiwana Kristu irumu manusawa upe, ape kuaye Kristu upuamuwaa yawe manusawa sui yanepaya purangasawa irumu yawete yuiri yawata pisasuwaa upe.

Ape tiyuiri pexari pepira rakanga umuaiwa penye pemunya arama puxuwerawa, maa peyuxari penyepawate Deus supe kuaye aintayawe upuamuwaita manusawa sui; asui pexari pepira rakanga Deus supe pemunya arama purangawaa.

Nyãse yakuawana yamanduarisawa kuximawara uyari irumu kurusa rese umukanyemu arama kua yanepira puxuwerawa tiarama yaxari yanepuxuwerasawa supe aramawaita yande.

Yawete yuiri penye pemanduari perese pemanu penye pepuxuwerasawa sui, maa pepakate penye Deus supe irumu kua Jesus Kristu.

Asui maitaa kuri yambeu? Maitaa yaikure yanepuxuwerasawa rese yariku arama turusu ipurangasawa? Umbaa. Maitaa maa yaikure yanepuxuwerasawa rese yande umanuwaitana isui?

Maitaa tire pekuawa ixupe aramawaita penye kua peputariwaa peruyari, u peruyari pepuxuwerasawa pemanu arama penye, u peruyari Deus puranga arama kuri umaa penye?

Maa hamee purangawaa Deus supe arama nyãse kuxima pepuxuwerasawa supe aramawaita penye maa kuiri peruyari pepia sui pepia upe kua nyenga yambuewaa penye arama. Asui uyurawana penye pepuxuwerasawa sui, kuiri purangawaa supe arama penye.