פסוקים פופולריים מ- Rumawaraita 12

שתפו

Tepemunya aintayawe kuaita mundu puraita, maa petrukari pemanduarisawa pisasua yawe pekuawa arama maye uputari peirumu puranga suuriwaa kua Deus.

Ape semuita hapurandu penye, nyãse pirasua Deus umaa penye, pexari Deus supe pepira kuaye upakawaa yawe, purangawaa yawe suuri arama Deus umaa, yawe perikute pemanduari ae.

Peyumusuuri sesewara kua pesaruwaa pemaa, pemuturusu pepia pepurara irumu, tepekuere pepurandu irumu.

Terexari puxuwera umuserana inde, maa remuserana puxuwerawa purangawaa irumu.

Pegustari amuita kuaye peyugustariwaa yawe penyepawate. Pesikie peyumaa amuita irumu.

Pegustari amuita supiwa, puxi pemaa panye puxuwerawa, peiku santa purangawaa rese.

Pepuderi rame perikute tiarama maa rese peiku aintairumu kuaita miraita panye.

Penye hagustariwaita, tepesikari pemunya ainta supe puxi sikuyara kua aintaumunyawaa penye arama puxi, maa pexari Deus ipiaiwa umaa ainta supe nyãse yawe aintaumpinima: "Ixete kuri hapagari ainta supe sikuyara, yawe umbeu yaneruixawa."

Tepeyatima pepuraki, pexari Espiritu umuaku penye pepia upe, pepuraki yaneruixawa supe.

Ape hambeu penye arama irumu kua ipurangasawa uxariwaa ixe arama tiarama pemanduari peresepawa turusu isui kua purangawaa, maa pemanduari satambika perese kuaye Deus uxariwaa yawe peruyari peyaweyawe.

Tepemunya puxi sikuyara ixupe kua umunyawaa penye arama puxi, pesikari kirimbawa pemunya puranga aintaumaa panye kuaita miraita.

Pexari yepewasu pemanduariwaa peyaweyawe, tepemanduari purangawaita penye amuita sui, maa pirasua peyumaa, tepemanduari ukuawaita penye amuita sui.

Maa neruanyana upurara rame yumãsi remee umbau arama, iisi rame remee uu arama, nyãse remunya rame yawe yawesawa remuatiri kuri tatapunya sendiwaa iakanga rese.

Pepurandu aintarese puranga kuaita umuruanyanawaita penye, pepurandu aintarese puranga maa tepembeu aintarese puxuwera. Peyumusuuri aintairumu kuaita suuriwaita, peyaxiu aintairumu kuaita uyaxiuwaita.

Peajudari kuaita uruyariwaita watari rame ainta supe maantu, suuri pesuanti mira.

Nyãse kuaye yanepira urikuwaa yawe sakanga, maa tiyepewasu aintamuraki aintayaweyawe, Yawete yuiri yande, siya yande maa yepenyute Kristu ipira yande, asui sakangaita yande panye amuita irumu.