פסוקים פופולריים מ- Rumawaraita 1

שתפו

Tihariku tiĩsawa sesewara kua nyenga purangawaa nyãse aete Deus kirimbawasawa umukaturu arama panye kuaita uruyari ae, uyupiru kuaita judewita asui kuaita greguita yuiri.

Nyãse kua nyenga purangawaa uxari yakuawa purangawaa kua Deus yaruyari resewara ae kirimbawa, yawe aintaumpinima kuera: "Upaka kuri kua purangawaa uruyari resewara."

Nyãse kua mundu uyupirungawa suiwara aintaukuawa Deus rese kua tiwa yamaa, panye ikirimbawasawa tiwa upawa, panye yuiri umundusara, uyukuawa yakuawa sese aintairumu kuaita umunyawaita. Asui kuaita apigawaita tiaintaupuderi aintaumbeu tiwaita ukuawa ainta.

Aintaukuawa pukusawa Deus rese timaa aintaurespetari ae Deus yawe, tiyuiri aintaumee ixupe purangawaa, maa aintaumutenyuntu aintaumanduarisawa asui aintaumupitunawasu aintapia puxuwerawa.

Asui aintautrukari kua Deus nyenga supiwa gananisawa irumu, aintaumee purangawaa umunyawaita supe, aintaupuraki yuiri ainta supe isui kua umunyawaa ainta, kua yameewaa ixupe purangawaa yawewarawate, amem.

Ipiaiwa Deus umaa iwaka sui panye tiwaita uruyari panye aintapuxuwerasawa kuaita apigawaita uputariwaita umuserana kua inyenga supiwa aintapuxuwerasawa irumu.

Sesewara Deus uxari ainta panye puxuwerawa supe, asui kuaita kunyaita aintaumunya amu kiti aintapira irumu isui kua Deus uxariwaa aintaumunya. Yawete yuiri kuaita apigawaita aintakuereana aintaumunya kunya irumu kuaye Deus uxariwaa yawe, asui yepewasute aintauyumaa aintawarixisawa aintapawa kuaita apigawaita aintaumunya tenyuntu asui muiri ainta aintaupurara aintapira upe, aintapuxuwerasawa resewara. Tiresewara aintauputari aintaumanduari Deus, sesewara Deus uxari puxuwera aintaumanduariwaa aintaumunya arama tenyuntu.

Aintaumbeu ukuawaita ainta ape tiwaita ukuawaita ainta. Aintauxari ipurangasawa kua Deus tiwa upawa, aintausikari arama apigawaita kuaita upawaita sangawa kuera, aintarangawa yuiri kuaita wiraita, suuita yuiri, buyaita yuiri.