פסוקים פופולריים מ- 2 Kurintuwaraita 9

שתפו

Asui Deus upuderi uabensuari penye puranga, periku arama kuri panye maantu peputari, periku arama kuri siya pemaa arama yawewarawate pemee arama ainta supe kuaita pirasuawaita panye.

Aintaumee arama aintamaa aintayaweyawe kuaye aintaumanduarisawa uxariwaa yawe, timaa yatima uxari ae, nyãse Deus ugustari kuaita suuriwaita uxari aintamaa Deus supe.

Yawe hambeu: —Awa uyutima kuaira umuatiri kuri kuaira; awa uyutima siya umuatiri kuri siya.

Kua uxariwaa mitima uyutimasara supe, uxari pão yuiri yambau arama, uxari kuri pekupixawa uyukiriari, uxari kuri pemuatiri turusu purangawaa sesewara kua purangawaa pemunyawaa. Peajudari rame amuita turusu, puranga kuri Deus uabensuari penye periku arama turusu, ape kuri yambeu purangawaa Deus supe perese.

Yamee purangawaa Deus supe sesewara kua purangawaa uxariwaa yande arama.