פסוקים פופולריים מ- Kutoma 28

שתפו

Kumbuka kuti konsene kunaenda iwe ndinakhala nawe na kukukoya mwadidi, pontho ndinakudzesa pontho kudzikoyi. Ine nee ndinakusiyabi mpakana ndichite pyonsene pidadumbira ine kuti ndinakuchitira.”

Pontho kuti MBUYA akhaimira chifupi na iye mbalonga mbati, “Ine ndine MBUYA, Mulungu wa Abrahamu na Isake. Ine ndinapereka kuna iwe na kuna pidzukulu pyako dziko inagona iweyi.

Yakobo adatutumuka kuchitulo mbalonga mbati, “MBUYA ali pano! Iye ali pambuto ino, pontho penepi ine nee ndikhapidziwabi!”

Tenepo Yakobo adadumbira kuna MBUYA mbati, “Ngakhala imwe munakhala nane na kundikoya mwadidi paulendo unaenda inewu, pontho na kundipasa pyakudya na nguwo, pontho ndingabwerera mwadidi mwene kumusa kwa babanga, penepo munakhala Mulungu wanga. Mwala waimisa ine apawu ninga chikumbuso inakhala mbuto yakukupembedzeranipo, pontho ndinapereka chakhumi cha pyonsene pinandipasa imwe.”

Pidzukulu pyako pinainjipa pyakwanga ninga fumbi ya padziko yapansi. Iwo anafalikira khundu zonsene za dziko yapansi. Pontho kudzera muna iwe na kuna pidzukulu pyako ndinati nditsanzayise madzinza onsene.

Yakobo adaithula mbuto ile Betele. (Luwani ya kweneko pakutoma ikhadziwika na dzina yakuti Luzi.)