פסוקים פופולריים מ- रोमी 14

שתפו

किल्हैकि म्हारी ज़िन्दगी दी परमेशरो राज़ निं खाणअ-पिणअ आथी। पर असली गल्‍ल आसा परमेशरा संघै धर्मीं हणअ अर मेल़-ज़ोल़ ज़ुंण पबित्र आत्मां दैआ। ज़ुंण एऊ साबै मसीहे च़ाकरी करा, तेऊ करै हआ परमेशर खुश अर मणछा मांझ़ै बी हआ तेऊओ अदर।

हाम्हैं ज़ै ज़िऊंदै आसा, प्रभू लै आसा ज़िऊंदै, अर ज़ै हाम्हैं मरा, हाम्हैं मरा प्रभू लै, हाम्हैं ज़िऊंदै रहे, च़ाहै हाम्हैं मरे, हाम्हैं सोभै आसा प्रभूए ई।

तैही लागा हाम्हां तिंयां ई गल्‍ला करनी अर तेऊ ई कामां दी लागी रहणअ, ज़ेता करै सोभी संघै मेल़-ज़ोल़ अर सोभिए विश्वासा दी बढोतरी हआ।

ता, ऐबै निं हाम्हां आजू पोर्ही एकी-दुजै लै दोश लाणअ, पर तम्हैं करा इहअ बच़ार पाक्‍कअ कि आपणैं विश्वासी भाईए सम्हनै निं इहअ कोई काम करी ज़ेता करै तेरअ साथी-भाई परमेशरा दी विश्वास करनअ छ़ाडे।

किल्हैकि पबित्र शास्त्रा दी आसा लिखअ द, “प्रभू बोला इहअ, ‘हुंह काढा आपणीं ज़िन्दगीए सोह, हरेक मणछा टेक्‍कणअ मुंह सेटा माथअ अर सोभिए ज़िभा दी हणअ परमेशरो ई नाअं।’” तैही लागणअ हाम्हां सोभी बी परमेशरा सम्हनै आपणैं-आपणैं कामों साब-कताब दैणअ।

ज़ुंण विश्वासा दी दुबल़अ आसा तेऊ निंयां आपणीं संगती दी, पर ज़ै तेऊ बैहम आसा, तेऊ संघै निं ऐहा गल्‍ला दी दोश लाई हठल़दै लागी कि तेऊओ विश्वास निं थारै विश्वासा ज़िहअ आथी।

तूह कुंण हआ ज़ुंण दुजै परमेशरे दासा लै दोश लाआ? तेऊओ विश्वासा दी बणी रहणअ अर नांईं रहणैंओ नातअ आसा तेऊए मालका संघै ता सह रहणअ विश्वासा दी पाक्‍कअ, किल्हैकि प्रभू सका तेऊ विश्वासा दी पाक्‍कै डाही।