פסוקים פופולריים מ- मार्कुस 12

שתפו

ईशू बोलअ तेऊ लै, “सोभी का खास हुकम आसा अह, इज़राईलीओ, शूणां! म्हारअ परमेशर बिधाता आसा एक्‍कै ज़ुंण असली परमेशर आसा। “तम्हैं करै आपणैं परमेशर बिधाता लै आपणअ सारअ मन्‍न, प्राण अर आपणअ सारअ ज़ोर लाई झ़ूरी। दुजअ हुकम आसा अह कि तूह करै आप्पू फेर रहणैं आल़ै होरी मणछा लै बी तेही झ़ूरी ज़िहअ तूह आप्पू लै झ़ूरा। एता का बडअ निं होर कोहै हुकम आथी।”

तेखअ शादै ईशू आपणैं च़ेल्‍लै आप्पू सेटा लै। तेऊ बोलअ तिन्‍नां लै इहअ, “हुंह खोज़ा तम्हां लै सत्त कि भबने भढारै दान दैणैं आल़ै मांझ़ै दैनअ ऐहा गरीब बिधबा सोभी का खास्सअ दान। “किल्हैकि सोभी दैनअ आपणैं खास्सै ढब्बै मांझ़ै आपणीं खास्सी ज़ैदाता का। पर ऐहा गरीब बिधबा दैनअ आपणीं काम्मी-पेशी का आपणीं सारी कमाई।”

ईशू लागअ भबने भढारा सेटा भाल़अ कि ईंयां भबने भढारै ढब्बै-धेल्‍लै केऊ साबै पाआ, बडै-बडै सेठ मणछै पाऐ आपणैं साबै खास्सै ढब्बै। तेतरी आई एक गरीब बिधबा, सह भाल़ी ईशू दूई चाम्बे सिक्‍कै पांदी ज़ेते खास्सी किम्मत निं हंदी।

तेऊ संघै डाहणीं सारै दिला, मन्‍न, प्राण अर सारै कामां करै झ़ूरी। “आपणैं साथी-संघी लै बी झ़ूरै तिहअ ई ज़िहअ तूह आप्पू लै झ़ूरा, ईंयां गल्‍ला आसा सारी भैंट, हूम बल़ी अर सोभी बल़ीदाना का खास।”

ईशू बोलअ तिन्‍नां लै, “ज़ुंण माहा राज़ैओ आसा, तेऊ दैआ माहा राज़ै लै, ज़ुंण आसा परमेशरो तेऊ दैआ परमेशरा लै।” तिंयां हुऐ तेऊए गल्‍ला शूणीं रहैन।