פסוקים פופולריים מ- मोत्ती 8

שתפו

ईशू बोलअ तिन्‍नां लै, “तम्हैं विश्वास किल्है निं करदै, तम्हैं किल्है डरा?” इहअ बोली उझ़ुअ ईशू खल़अ संघा काढी ढिश-बागर अर समुंदरे छ़ाल्‍ली नैरना लै काढी झांश, “शांत हअ,” ढिश-बागर अर छ़ाल्‍ली हुई तेभी शांत।

सुबैदारै बोलअ ईशू लै, “हे प्रभू, हुंह निं एता जोगी आथी कि तूह मेरै घअरै एछी सके। तूह कर इधी का हुकम अर मेरअ दास जाणअ नरोगअ हई, एतो आसा मुंह पाक्‍कअ भरोस्सअ।

ईशू हुअ तेऊए गल्‍ला शूणीं रहैन। तेऊ बोलअ तिन्‍नां लै ज़ुंण तेऊ पिछ़ू तै हांढदै लागै दै, “हुंह खोज़ा तम्हां का सत्त कि मंऐं निं एऊ होरी ज़ातीए मणछा ज़िहअ विश्वास पूरै इज़राईला दी भाल़अ।

तेखअ बोलअ ईशू तेऊ सुबैदारा लै, “घअरा लै डेऊ, ज़िहअ तूह विश्वास करा, ताल्है लोल़ी तिहअ ई हुअ” सुबैदारो दास हुअ तेभी नरोगअ।

च़ेल्‍लै हुऐ रहैन संघा लागै इहअ बोल्दै, “अह किहअ मणछ आसा कि एऊए गल्‍ला शूणां ढिश-बागर अर समुंदरे छ़ाल्‍ली बी!”