פסוקים פופולריים מ- मोत्ती 19

שתפו

ईशू बोलअ तिन्‍नां बाखा भाल़ी, “ज़ुंण मणछे भलै हई निं सकदअ, सह सका परमेशरे भलै हई।”

तैही निं तिंयां ऐबै दूई देही आथी पर तिंयां रहा एक देही बणी। इहअ करै ज़ुंण परमेशरै आसा ज़ोल़ै दै, तिन्‍नां ज़ुदै करदै निं तम्हैं लागा।”

ईशू दैनअ तिन्‍नां लै ज़बाब, “तम्हैं कै इहअ पहल़अ निं आथी कि ज़ुंणी तिंयां बणाऐं, तेऊ बणाऐं तिंयां शुरू ई का मर्ध अर बेटल़ी, संघा बोलअ तिन्‍नां लै इहअ, “तैही रहणैं तिंयां आपणैं ईजा-बाबा का ज़ुदै आपणीं बेटल़ी संघै, अर तिंयां दुहै हणैं एक देही?

ईशू बोलअ तिन्‍नां लै, “लान्हैं दैआ मुंह सेटा लै एछणैं, इना निं रोक्‍का, किल्हैकि इना लान्हैं ज़िहै मणछो ई आसा स्वर्गो राज़।”

पर इहै आसा खास्सै ज़ुंण आजू आसा, तिंयां हणैं पिछ़ू। ज़ुंण पिछ़ू आसा तिंयां हणैं आजू।”

ज़ुंणी बी मेरी तैणीं आपणैं घअर-बण, भाई-बैहण, ई-बाब, शोहरू-माठै, खेच-खहल़, मेरै नाओंऐं छ़ाडे, तेऊ भेटणअ ऐहा ज़िन्दगी दी तेता का खास्सअ फल ज़ुंण तेऊ का पिछ़ू छ़ुटअ अर तेऊ लै हणअ सदा रहणैं आल़ी ज़िन्दगीओ हक।

ईशू बोलअ तेऊ लै, “ज़ै तूह सिध्द हणअ च़ाहा, तै डेऊ, अर आपणीं ज़ैदात बेच़ पठी संघा बांड तेता रैनै-गरीबा लै। ताह जाणअ धन स्वर्गै भेटी। आप्पू च़ाल्‍ल तूह मुंह संघै।”

ईशू बोलअ तेऊ लै, “तूह मुखा भलाईए बारै किल्है पुछ़ा? परमेशरा सुआई निं होर कोह भलअ आथी। पर ज़ै तूह सदा रहणैं आल़ी ज़िन्दगी लै डेऊणअ च़ाहा, तेता लै मन तेऊओ बधान ज़िहअ सह बोला तिहअ।”

भिई बोला हुंह तम्हां का इहअ, ‘परमेशरे राज़ा दी सेठा आल़ै मणछो डेऊणैं का सान आसा ऊँटो सिऊंणीए पाशी बाती निखल़णअ।’”

“पर हुंह बोला तम्हां लै इहअ कि ज़ुंण बी कंज़रैई का सुआई किज़ू होरी गल्‍ला पिछ़ू आपणीं बेटल़ी छ़ाडी दुजी बेटल़ी संघै बैह करे, सह करा कंज़रैई करनैओ पाप। ज़ुंण छ़ाडी दी बेटल़ी संघै बैह करा, सह मणछ बी आसा कंज़रअ।”

तेखअ बोलअ ईशू आपणैं च़ेल्‍लै लै, “हुंह खोज़ा तम्हां का सत्त कि धन-माया आल़ै मणछो आसा स्वर्ग राज़ा दी डेऊणअ बडअ कठण।