פסוקים פופולריים מ- लूका 13

שתפו

ईशू बोलअ तिन्‍नां लै, “सांगल़ी प्रऊल़ी बाती करा डेऊणे कोशिश। हुंह खोज़ा तम्हां का सत्त कि कई लोगा डेऊणअ होरी बाता खुल्ही प्रऊल़ी बाती पर तिंयां निं डेऊई सकदै।

तिधी ती एक बेटल़ी एही, तैहा ती ठारा साला ओर्ही एक दुबल़ै करनै आल़अ भूत शाचअ द। सह थिई एतरी कुबल़ी हुई दी कि सह निं आज़री खल़ी बी हई सकदी ती। तैहा भाल़ी शादी सह ईशू आप्पू सेटा लै अर तैहा लै बोलअ, “हे ज़नानी, तूह गई ऐहा बमारी का ऐबै राम्बल़ी हई।”

तेखअ ईशू तैहा दी हाथ लाअ अर सह हुई आज़री खल़ी अर सह लागी परमेशरे ज़ै-ज़ैकार करदी।

ज़ुंण पिछ़ू आसा तिंयां हणैं आजू अर ज़ुंण आजू आसा तिंयां हणैं पिछ़ू।”

ज़ांऊं घअरे मालका हूल़ी हेरनअ, तम्हैं हणैं बागै खल़्हुऐ दै अर लेरा लाई-लाई अरज़ करी दुआरा टोक्‍कदै, ‘हे प्रभू, हाम्हां लै घुआल़ दुआर कि हाम्हैं भितरी एछी सके,’ अर तेऊ दैणअ इहअ ज़बाब, ‘हुंह निं तम्हां बछ़ैणदअ कि तम्हैं किधा का आऐ?’

हुंह बोला तम्हां लै कि तिंयां नांईं तै पापी आथी। पर ज़ै तम्हैं आपणैं पापो प्राश्त नांईं करे, थारअ बी हणअ इहअ ई बनाश।”

पर तेऊ बोल़णअ तम्हां लै इहअ, ‘हुंह निं तम्हां बछ़ैणदअ कि तम्हैं किधा का आऐ? ओ कदुष्ट काम करनै आल़ैओ मुंह सेटा का डेओआ दूर।’

तेखअ बोलअ ईशू तिन्‍नां लै, “परमेशरो राज़ किज़ू ज़िहअ आसा अर हुंह कहा कथ्या खोज़ी करै समझ़ाऊं? सह आसा एक शाऊईए दाणैं ज़िहअ ज़ुंण एकी मणछै आपणैं बागा दी बऊअ। ज़ांऊं सह बझ़अ, सह बणअ बडअ बूट अर सरगै डैऊंदै च़ेल्‍लू-पखीरू बणाऐं तेते शाण्हीं जैंदरी कोल्ह।”