פסוקים פופולריים מ- जोहन्‍ना 19

שתפו

सिरकै च़ाखी करै बोलअ तेऊ इहअ, “पूरअ हुअ” अर मुंडकी ढोल़ी शोटै ईशू प्राण।

तेखअ ईशू ज़ांऊं थोघ लागअ कि सोभ गल्‍ला गई ऐबै हई, ईशू बोलअ, “मुंह आई चिशै” इहअ हुअ तै कि पबित्र शास्त्रा दी लिखी दी गल्‍ला पूरी होए।

ज़ांऊं ईशू आपणीं ईज अर आपणअ च़ेल्‍लअ ज़हा संघै ईशू झ़ूरी करा त, तिधी खल़ै भाल़ै, ईशू बोलअ आपणीं ईजा लै, “ईजै, भाल़, अह आसा तेरअ शोहरू।” तेखअ बोलअ ईशू तेऊ च़ेल्‍लै लै, “अह आसा तेरी ईज।” तेखअ निंईं तेऊ च़ेल्‍लै तेभी सह आपणैं घअरा लै।

पर ज़ांऊं तिंयां ईशू सेटा एछी भाल़अ कि ईशू आसा गअ द मरी, तिन्‍नैं निं ईशूए ज़ांघा चोल़ी। पर तिन्‍नां सपाही मांझ़ै बाही एकी ईशूए कुछी बर्छ़ै करै अर बर्छ़ै बाहंदी निखल़अ तिधा का लोहू अर पाणीं।

ईंयां गल्‍ला हुई तै कि पबित्र शास्त्रा दी लिखी दी अह गल्‍ल हुई पूरी, “तेऊओ निं एक हाडकअ बी लोल़ी चोल़अ।” पबित्र शास्त्रा दी आसा एकी होरी ज़ैगा बी लिखअ द, “हरेकी आछी भाल़णअ सह, इधी तैणीं ज़ुंणी तेऊ लै कील बर्छ़ै बी बाहै तै तिन्‍नां का बी शुझणअ सह।”

ईशू च़कअ आपणअ क्रूस आपणीं कान्हा तैहा ज़ैगा तैणीं, ज़िधा लै खोपल़ीए ज़ैगा बोला, अर इब्रानी बोली दी बोला तै तिधा लै गुलगुता।

तेखअ बणाअं तिन्‍नैं सपाही गुंदी करै एक झ़रीलै कांडैओ मुगट। सह लाअ ईशूए मुंडै अर तेऊ का बन्हैऊंऐं बैंज़णीं रंगे झिकल़ै।