1
जोहन्ना 15:5
बाघली सराज़ी बोली दी पबित्र शास्त्र
OSJ
“हुंह आसा दाखे लऊंण, तम्हैं आसा शाण्हटी, ज़ुंण मुंह दी टेक्की रहा, अर लऊंणीं दी आसा, तेथ लागा खास्सी फसल, किल्हैकि मुखा ज़ुदै हई निं तम्हैं किछ़ै करी सकदै।
השווה
חקרו जोहन्ना 15:5
2
जोहन्ना 15:4
तम्हैं रहा मुंह दी टेक्की, अर हुंह रहूं तम्हां दी, ज़ेही शाण्हटी दाखे लऊंणीं दी टेक्की नां रहे, तै निं सह आप्पै फल़ दैई सकदी। ठीक तिहअ ई, ज़ै तम्हैं मुंह दी टेक्की नांईं रहे, तै निं तम्हैं फल़ दैई सकदै।
חקרו जोहन्ना 15:4
3
जोहन्ना 15:7
“ज़ै तम्हैं मुंह दी टेक्की रहे अर मेरै साबै आपणीं ज़िऊए, तै तम्हैं ज़ुंण बी मांगे सह भेटणअ तम्हां।
חקרו जोहन्ना 15:7
4
जोहन्ना 15:16
तम्हैं निं हुंह छ़ांटअ पर मंऐं छ़ांटै तम्हैं अर एते तैणीं डाहै कि तम्हैं फल़ दैई सके अर थारअ फल़ कबल्लअ रहे कि तम्हैं मेरै नाओंए बाब परमेशरा का ज़िहअ बी मांगे, सह तम्हां लै दैए।
חקרו जोहन्ना 15:16
5
जोहन्ना 15:13
एता का खास्सी झ़ूरी निं कोहिए आथी कि कोई आपणैं साथी लै ज़ान दैए।
חקרו जोहन्ना 15:13
6
जोहन्ना 15:2
ज़ुंण शाण्हटी मुंह दी आसा, अर फल़ नांईं दैंदी, सह पाणीं तेऊ काटी। ज़ुंण शाण्हटी फल़ा दैंदी होए, तेते करनी तेऊ छांग ताकि तेथ होर बी खास्सी फसल लागे।
חקרו जोहन्ना 15:2
7
जोहन्ना 15:12
“मेरअ हुकम आसा अह कि ज़ेही झ़ूरी मंऐं तम्हां लै किई, तेही झ़ूरी करा तम्हैं आप्पू मांझ़ै एकी-दुजै संघै।
חקרו जोहन्ना 15:12
8
जोहन्ना 15:8
तम्हैं हणैं मेरै असली च़ेल्लै ज़ेभै तम्हां दी खास्सी फसल पज़े एता करै शुझिआ मेरै बाब परमेशरो प्रतप्प।
חקרו जोहन्ना 15:8
9
जोहन्ना 15:1
“असली दाखे लऊंण आसा हुंह, अर मेरअ बाब आसा कृषाण।
חקרו जोहन्ना 15:1
10
जोहन्ना 15:6
ज़ै कुंण मुंह दी टेक्की नांईं रहे, सह शोटणअ धरना लै ज़ेही शुक्की दी शाण्हीं शोटा अर लोग निंयां तिन्नां झाल़ी करै आगी जैंदरी दहणा लै अर तिंयां दझ़ा आगी जैंदरी।
חקרו जोहन्ना 15:6
11
जोहन्ना 15:11
मंऐं बोली तम्हां ई का ईंयां गल्ला एते तैणीं कि मेरी खुशी तम्हां दी बणी रहे अर थारी खुशी पूरी होए।
חקרו जोहन्ना 15:11
12
जोहन्ना 15:10
ज़ै तम्हां मेरअ हुकम मने, तै रहणैं तम्हैं मेरी झ़ूरी दी टेक्की, ज़ेही मंऐं आपणैं बाब परमेशरो हुकम मनअ अर तेऊए झ़ूरी दी रहअ टेक्की।
חקרו जोहन्ना 15:10
13
जोहन्ना 15:17
ईंयां गल्ला बोली मंऐं तम्हां लै तै कि तम्हैं एकी-दुजै संघै झ़ूरी करे।
חקרו जोहन्ना 15:17
14
जोहन्ना 15:19
ज़ै तम्हैं एऊ संसारे हंदै, तै करनी ती संसारे मणछा तम्हां लै झ़ूरी। पर तम्हैं आसा हेरै दै संसारा का ज़ुदै छ़ांटी तैही डाहा एऊ संसारे मणछ तम्हां संघै ज़ीद।
חקרו जोहन्ना 15:19