פסוקים פופולריים מ- जोहन्‍ना 10

שתפו

“च़ोर निं किज़ू होरी कामैं एछदअ सह एछा सिधअ च़ोरी करदअ, मारदअ अर बनाशा करदअ। हुंह आसा आअ द एते तैणीं कि सोभी लै ज़िन्दगी भेटे अर टिरा-बहूंदी भेटे।

“हुंह आसा असली फुआल। असली फुआल दैआ आपणीं भेडे तैणीं ज़ान।

मेरी भेडा शूणां मेरै बोल, अर हुंह बछ़ैणा तिन्‍नां, अर तिंयां हांढा मुंह पिछ़ू-पिछ़ू।

हुंह दैआ तिन्‍नां लै सदा रहणैं आल़ी ज़िन्दगी। तिन्‍नां निं मेरै हाथा का कोहै छ़ड़ैऊई सकदअ।

दुआर आसा हुंह, ज़ै कुंण मुंह करै भितरा लै डेओए तेऊ भेटणअ उद्धार। सह रहणअ भितरी-बागै एछदअ-डेऊंदअ अर घाहा पाणीं खांदअ-पिंदअ लागी।

“असली फुआल आसा हुंह। ज़िहअ मुंह मेरअ बाब बछ़ैणा, तिहअ बछ़ैणा हुंह तेऊ।

सह आसा मेरअ बाब ज़ुंणी तिंयां मुल्है आसा दैनी दी सह आसा सोभी का बडअ अर तेऊए हाथा का निं कोहै तिन्‍नां छ़ड़ैऊई सकदअ। हुंह अर मेरअ बाब आसा एक्‍कै।”

ज़िहअ बाब मुंह बछ़ैणा तिहअ बछ़ैणा हुंह आपणैं बाब। ठीक इहअ ई, हुंह बछ़ैणा आपणीं भेडा अर मेरी भेडा बछ़ैणा मुंह अर हुंह दैआ आपणीं भेडा लै ज़ान।

एता निं कोहै मुखा छ़ड़ैऊई सकदअ, पर हुंह दैआ एता आप्पै। मुंह आसा एता दैणैंओ हक बी अर बापस लणेंओ हक बी। मुल्है आसा परमेशरै अह हुकम दैनअ द।”

ईशू बोलअ तिन्‍नां लै भिई, “हुंह खोज़ा तम्हां का सत्त कि भेडो सह दुआर आसा हुंह ज़ेता बाती सोभै सका परमेशरा सेटा पुजी।

ज़ुंण जुआरअ हआ, सह निं असली फुआल हंदअ। नां सह मालक हंदअ, ज़ेभै रुहलअ भेडा खांदअ एछा, तेभै ठुर्हा सह तेऊ भाल़ी भेडा छ़ाडी दूर अर सह रुहलअ पाआ तिन्‍नां भेडा खाई अर तिन्‍नां दरल़ाऊआ सातै-बातै।

“हुंह खोज़ा तम्हां का सत्त कि ज़ुंण बी भेडा सेटा भडैल़ै भितरा लै दुआरा बाती नांईं डेऊंदअ, पर कहा होरी बाता उखल़ा, सह आसा च़ोर डाकू।