פסוקים פופולריים מ- मूल़ 49

שתפו

“ज़ेभै तैणीं सह महान दान निं एछे, तेभै तैणीं करनअ ताह संसारे सोभी देशा दी राज़ अर तिन्‍नां सोभी टेक्‍कणअ ताह सेटा माथअ।”

युसुफ, तूह आसा फल़दी-फुलदी दाखे एही बेल ज़ुंण पाणींए सोबल़ा नेल़ आसा लागी दी, संघा आसा दुआली प्रैंदै उखल़ी दी। दुशमणै किअ तूह कतीर बाही-बाही छ़िन्ह-बिन्ह अर तिंयां आसा तेरै पिछ़ै पल़ै दै।

पर तूह रहअ आपणीं ज़ैगा खल़अ टेक्‍की, तेरी बाह लै दैणअ तेऊ परमेशर बिधाता ज़हा का सारअ बल आसा, ज़सरी च़ाकरी याकब करा, ज़ुंण बिधाता इज़राईले फाज़त करनै आल़अ फुआल आसा। तेरी मज़त करनी तेऊ परमेशरा ज़हा का सारअ बल आसा ज़सरी च़ाकरी तेरअ बाब करा, तेऊ दैणीं ताल्है सरगे पाणीं अर धरती दी पाणींए सोबल़ा करै बर्गत। संघा दैणीं ताल्है एही बर्गत कि तेरै हणैं खास्सै शोहरू-माठै अर डागै-चैणैं।

यहूदा, तेरअ करनअ सोभी भाई अदर अर तिन्‍नां टेक्‍कणअ ताह सेटा माथअ। मेरै बेटैआ, तूह आसा सिहा ज़िहअ आपणैं शकारा लै झ़ाफली दैणा लै जुहल़ी च़ुप्पी रहअ द ताखुई! ताह निं कुंण छ़ेल़ी सकदअ।”

रूबेन, तूह आसा मेरअ ज़ेठअ, तूह आसा मेरी ज़ुआनीओ ज़ोर-ज़ाहण। तूह आसा मेरी कलगी, अर बला दी सोभी का पैहलअ। तूह आसा बरसातीए गाडा ज़िहअ, तंऐं लाई मेरी लाल़ी संघै सुत्ती करै मेरै च़ैन्‍नै छ़ोत, ऐबै निं तूह आजू अदर करने पदबी जोगी रहअ।