פסוקים פופולריים מ- मूल़ 3

שתפו

सह बेटल़ी हुई दानुईंए गल्‍ला शूणीं राज्ज़ी। सह लागी भाल़ी कि सह बूट आसा हेरना लै मना लोभणैं आल़अ अर एते फल़ बी शुझिआ कि एता खाई एछणअ सुआद अर एता करै एछणी मुंह खास्सी समझ़-बुध बी। तैहा चोल़ै तेऊ बूटा का फल़ संघा पाअ आप्पू खाई, संघा दैनअ आपणैं लाल़ै लै बी अर तेऊ बी खाअ।

बिधाता ज़ेतरै बी बणें ज़ीब बणाऐं, तिन्‍नां मांझ़ै थिई दानअ सोभी का खास्सी च़लाक। एकी धैल़ै आई सह दानअ बेटल़ी सेटा संघा लागी इहअ पुछ़दी, “बिधाता तम्हां लै सच्च़ी आसा इहअ बोलअ द कि बागा इना कोही बी डाल़ा-बूटे फल़ निं खाई?”

ताह अर ऐहा बेटल़ी मांझ़ै रहणीं सदा एकी-दुजै संघै ज़ीद तेरी लुआद अर ऐहा बेटल़ीए लुआदा रहणीं सदा लै एकी-दुजै संघै ज़ीद। तिन्‍नां चल़ेपणअ तेरअ मूंड अर ताह दैणअ तिन्‍नें घुंढी डाम्ह।”

तेखअ बोलअ बिधाता तैहा बेटल़ी लै बी, “सुंदा बारी हणीं तेरी बूरी दशा, तेरअ शाह रहणअ तेरै लाल़ै दी शाची अर तेऊ करनअ ताह प्रैंदै राज़।”

ताह लागणीं ज़िऊंणां लै खास्सी मैन्थ करनी। ज़िहअ तूह मंऐं माट्टै का आसा बणाअं द, खिरी डेऊणअ तूह तेऊ ई माट्टै जैंदरी।”

तेऊ आदमी लै बोलअ बिधाता इहअ, “आपणीं बेटल़ीए ज़ाणैं लागी खाअ तंऐं तेऊ बूटो फल़ ज़ेता खाणां लै मंऐं ताल्है नांईं किअ त। तेरै एऊ कर्मा पिछ़ू लागअ धरती लै फिटक, ताह लागणअ सारी अमरा दुख भुगती करै एते पज़ैआ खाणीं।

बिधाता पुछ़अ, “लै ताखा कुंणी खोज़अ कि तूह आसा नांगअ? ज़ुंण बूट बागा मांझ़ा-मांझ़ी आसा, तंऐं हेरे तेतो फल़ किनी खाअ?”

बिधाता डाहै तेखअ अदने बागा दी अमर ज़िन्दगी दैणैं आल़ै बूटे फाज़त करना लै पुर्बा बाखा करूब नाओंए स्वर्ग दूत, संघा डाही तेऊ बूटे बाता च़ऊ बाखा फिरदी ज़ल़दी तलबार।

आदमी डाहअ आपणीं लाल़ी नाअं ज़नानी किल्हैकि ज़ेतरै बी धरती दी मणछ ज़िऊंदै आसा लागै दै, सह आसा तिन्‍नें मूल़ माता।