פסוקים פופולריים מ- लुआह 4

שתפו

बिधाता बोलअ मोसा लै इहअ, “मणछा बोल़णैं आल़ै या काल्‍लै या टौणैं कुंण बणाआं? तिन्‍नां भाल़णा लै आछी या कांणै कुंण बणाआं? ताखा इहअ थोघ निं आथी कि इना गल्‍ला करनै आल़अ आसा हुंह आप्पै। “ऐबै डेऊ, ज़ेभै तूह गल्‍ला करे तेभै हणअ हुंह आप्पै ताह संघै ताह किज़ै बोल़णअ तिंयां बोल दैंऊं हुंह ताल्है।”

मोसा बोलअ बिधाता लै इहअ, “मेरै मालक, हुंह निं राम्बल़ै करै गल्‍ला बी ज़ाणदअ करी, नां हुंह तिहअ गल्‍ली ताह संघै गल्‍ला करनै का आजी आथी त अर नां हुंह ऐबै आथी। हुंह आसा गल्‍ला करना लै हंकलअ अर मुंह निं समझ़ एछदी कि हुंह किज़ै बोलूं।”

तेखअ बोलअ बिधाता रोश्शै मोसा लै इहअ, “तेरअ भाई हारण लेबी निं आथी? मुखा आसा थोघ सह ज़ाणा राम्बल़ै करै गल्‍ला करी, सह आसा ताह सेटा मिलणा लै बाता एछदअ लागअ द, ताह भिई भाल़ी हणअ सह खुश।