פסוקים פופולריים מ- 1 करिन्थी 1

שתפו

पर परमेशरै छ़ांटै तिंयां लोग ज़हा अह संसार ऐडै समझ़ा ताकि तिंयां तिन्‍नां मणछा शर्मिंदै करे ज़ुंण आप्पू समझ़कार समझ़ा। ज़ुंण लोग कमज़ोर आसा परमेशरै छ़ांटै तिंयां कि सह तिन्‍नां शर्मिंदै करे ज़ुंण शगती आल़ै आसा।

ज़ेभै लोग मसीहे क्रूसा दी मरने बारै समाद शूणां, तिन्‍नां मांझ़ै बोला कई इहअ कि मसीहो अह समाद आसा ऐडी गल्‍ल, ज़ुंण इहअ सोठा तिंयां आसा लागै दै जम्परी बाखा हांढदै। पर हाम्हैं ज़ुंण तेऊ समादा दी विश्वास करा, अह आसा परमेशरे बात ज़ेथ परमेशर लोगा आपणीं शगती करै बच़ाऊआ।

किल्हैकि परमेशरे आसा ऐडी गल्‍ल भिई संसारे ज्ञैनी शास्त्री का खास्सी, अर परमेशरे कमज़ोरी बी आसा मणछे ज़ोरा का बी खास्सी।

परमेशरा करनअ इहअ, सह करा तिहअ ई ज़िहअ सह बोला किल्हैकि सह आसा शुचअ-पाक्‍कअ। तेऊ आसा हाम्हैं आपणैं पूता संघै एक हणां लै शादै दै ज़ुंण म्हारअ प्रभू ईशू मसीहा आसा।

भाईओ, हुंह करा तम्हां का प्रभू ईशू मसीहे नाओंऐं अरज़ कि तम्हैं सोभै डाहा आप्पू मांझ़ै सोभै कठा रही एक मन्‍न अर एक मकसद।

हाम्हां एछा एता करै एही समझ़ कि ज़ुंण आप्पू अक्ली आल़ै फिरा तिन्‍नें अक्ल आसा बृथा। ज़ुंण खास्सै पहल़ै दै शास्त्री एऊ संसारै गल्‍ला करने ज़ाणकार आसा तिन्‍नें बी निं किछ़ै किम्मत आथी। परमेशरै किई अह गल्‍ल प्रगट कि ज़ुंण अक्ल इधी एऊ संसारै आसा, तेते निं तेऊ संघै किछ़ै किम्मत आथी।