פסוקים פופולריים מ- AROMA 8

שתפו

Ningĩ nĩtũũĩ atĩ harĩ andũ arĩa menda Ngai, nĩo arĩa metĩtwo nĩwe kũringana na ũrĩa aathugundire eke-rĩ, maũndũ mothe nĩmateithanagia hamwe mamarehagĩre kĩrathimo.

Amu nĩndĩkĩtie kũmenya mũno, atĩ o na kũngĩtuĩka nĩ ũhoro wa gũkua, kana wa gũtũũra muoyo; o na kana araika, kana monene ma na kũu igũrũ; o na kana maũndũ marĩa me ho rĩu, kana marĩa magoka; o na kana mahinya o na marĩkũ, gwata ũraihu wa kũrĩa gũthiĩte na igũrũ mũno, kana ũriku wa kũrĩa gũthiĩte na thĩ mũno; o na kana kĩndũ kĩngĩ o kĩrĩkũ kĩa iria ciothe ciombirũo-rĩ; hatirĩ o na kĩmwe kĩngĩkĩhota gũtũtigithũkania na wendani wa Ngai, o ũcio wĩ na Kristo Jesu Mwathani witũ.

O ũndũ ũmwe, Roho nake nĩatũgwatagĩrĩra nĩ ũndũ wa ũrĩa tũtarĩ na hinya: nĩ gũtuĩka tũtikoragwo tũũĩ ũrĩa twagĩrĩirũo nĩ kũhoya; no Roho we mwene nĩwe ũtũthaithanagĩrĩra na mũcayo ũtangĩheanĩka na ciugo

Tũkiuge atĩa tondũ wa maũndũ macio? Akorũo Ngai arĩ mwena witũ-rĩ, nũ ũngĩkĩhota gũtũtuma ũthũ?

TONDŨ wa maũndũ macio rĩ, rĩu andũ arĩa me thĩinĩ wa Kristo Jesu ti a gũtuĩrũo atĩ nĩ ehia o na hanini.

Amu kũrũmĩrĩra meciria marĩa moimanaga na mwĩrĩ kũrehanagĩre gĩkuũ: no rĩrĩ, kũrũmĩrĩra meciria marĩa moimaga kwĩ Roho kũrehanagĩre muoyo, o na thayũ.

No rĩrĩ, o na tũkĩonaga maũndũ macio mothe-rĩ, gũtoria tũrĩ atoria o: makĩria nĩ ũndũ wa Ũcio watwendire.

Amu-rĩ, ngũkĩona atĩ mĩnyamaro ĩrĩa tũgĩaga nayo hingo ĩno tũrĩ ndĩrĩ kĩene o na hanini ĩkĩgerekanio na riri ũrĩa tũkiriĩ kũguũrĩrio ũtuĩke witũ.

Nũ ũngĩtũtigithũkania na wendani wa Kristo? Anga nĩ kuona thĩna, kana kwĩhĩrũo nĩ ruo, kana kũnyarirũo, kana ng’aragu, kana kwaga nguo, kana ũgwati, kana rũhiũ rũa njora?

nake Ũrĩa ũtuĩragia ngoro cia andũ nĩamenyaga ũrĩa Roho ekwenda kuuga, nĩ gũkorũo athaithanagĩrĩra andũ arĩa aamũre kũringana o na ũrĩa Ngai endete.

Nĩ gũkorũo andũ arĩa othe matongoragio nĩ Roho wa Ngai, acio nĩo ciana cia Ngai.

Nĩ gũkorũo andũ arĩa marũmagĩrĩra ũhoro wa mwĩrĩ, nĩ maũndũ ma mwĩrĩ meciragia: no andũ arĩa marũmagĩrĩra ũhoro wa Roho, acio meciragia maũndũ ma Roho.

Ũcio ũtaigana gũcaĩra Mũriũ wake mwene-rĩ, tiga o kũmũruta aamũrutire nĩ ũndũ witũ ithuothe-rĩ, agĩtũheete Ũcio, angĩkĩrega atĩa gũtũtugaga na indo iria ingĩ ciothe?

Roho Mũtheru we mwene nĩwe mũira, hamwe na maroho maitũ, wa gũtũmenyithia atĩ tũrĩ ciana cia Ngai: na rĩrĩ, akorũo tũrĩ ciana ciake, ningĩ tũrĩ agai, o agai a Ngai, tũgagĩtuĩka tũrĩ a gũkagayanĩrio hamwe na Kristo, ũguo nĩguo tũtariĩ kũngĩgĩtuĩka atĩ nĩtũnyamarĩkanagĩra nake, nĩ getha tũkahota o na kũgwatanĩra riri nake.

Nĩ gũkorũo meciria marĩa moimanaga na mwĩrĩ matũũraga marĩ ũthũ na Ngai, nĩ ũndũ matiathĩkagĩra watho wa Ngai, o na kũhota matingĩhota

Tondũ indo ciothe iria ciombirũo itũire o cietereire kũguũranĩrio gwa ciana cia Ngai, igĩcũthagĩrĩria irĩ na mĩĩto mĩnene.

Amu nĩtũũĩ atĩ ciũmbe icio ciothe o nginya rĩu itũire icayaga o hamwe, ikĩiguaga ruo ta rũa mũndũ-wa-nja akĩrũmwo.