פסוקים פופולריים מ- Luke 9

שתפו

Na ɔkaa kyerɛɛ hɔn nyina dɛ, Sɛ obi pɛ dɛ odzi m’ekyir a, ma ɔmpow noho, na ɔmma ne mbeamudua do daa na ɔnka mo do.

Na obiara a ɔpɛ dɛ ɔkora ne nkwa no, ɔbɔhwer no, na obiara a ɔbɔhwer no nkwa wɔ emi ntsi, ɔno na obenya no bio.

Na Jesus see no dɛ, Obi a ɔdze ne nsa kosuo funtumdadze no mu, na ɔhwɛ n’ekyir no, ɔmmfata Nyankopɔn ahenman no.

Na sɛ nyimpa nya wiadze nyina, na sɛ ɔyew noho, anaaso ɔhwer ne kra a, ebɛn mfaso na obenya?

Osiandɛ obiara a n’enyi bɔto emi nye me nsɛm ho no, ɔno na nyimpa Ba no n’enyi bɔto no ho, ber a ɔdze nankasa nye n’Egya nye abɔfo krɔnkrɔn enyimnyam no bɛba no.

Na Jesus see no dɛ, Nsɔ wɔ etu, na wimu nnoma wɔ mberɛbuw, naaso nyimpa Ba no dze, onnyi beebi a ɔdze ne tsir to.

na ɔsee hɔn dɛ, Obiara a ɔbɛgye abofraba yi wɔ me dzin mu no, ɔgye emi mara; na obiara a ɔgye me no, ɔgye nyia ɔsomaa me no: na nyia ɔyɛ ekumaba wɔ hom nyina mu no, ɔno na ɔyɛ kɛse.