פסוקים פופולריים מ- Gyenesis 17

שתפו

Na aber a Abram dzii mfe eduokron akron no, EWURADZE yii noho kyerɛɛ Abram na ɔsee no dɛ, Emi nye Nyankopɔn Tumfo; nantsew m’enyim na dzi mu.

Nkyii so wɔnnkɛfrɛ wo dzin Abram bio, na wɔbɛfrɛ wo dzin Abraham; osiandɛ amanaman pii hɔn egya na mayɛ wo.

Na mebɛma m’ahyɛmu etsim wɔ emi nye ɔwo nye w’asefo a wodzi w’ekyir no ntamu wɔ hɔn mbasantsen mu, na ɔayɛ daa ahyɛmu, dɛ mebɛyɛ Nyankopɔn ama ɔwo nye w’asefo a wodzi w’ekyir no.

Emi dze, hwɛ, m’ahyɛmu wɔ hɔ ma wo, na ebɛyɛ amanaman pii hɔn egya.

Na Nyankopɔn see dɛ, Ampaara ampa, wo yer Sara bɔwo babanyin ama wo; na ebɛfrɛ ne dzin Isaak: na menye no bedzi ahyɛmu ma aayɛ daa ahyɛmu dze ama n’asefo a wodzi n’ekyir.

Na medze asaase a etsenatsena do, yɛ do hɔho yi, Keenan asaase nyinara, mebɛma ɔwo nye w’asefo a wodzi w’ekyir, dɛ daa enyadze; na mebɛyɛ hɔn Nyankopɔn.

Nna Abraham dze n’enyim boom famu, na ɔserewee, na ɔsee n’akoma mu dɛ, Aso wɔbɔwo ba ama nyia oedzi mfe ɔha na aso Sara a oedzi mfe eduokron yi bɔwo?

Na Nyankopɔn see Abraham dɛ, Wo yer Sarai dze, mma mmfrɛ ne dzin Sarai, na Sara nyɛ ne dzin.

Na wontwitwa hom ho twatsia; na ɔbɛyɛ ahyɛmu a ɔda emi nye hom ntamu asɛnkyerɛdze.

Na m’ahyɛmu dze mebɛma oetsim wɔ emi nye Isaak a Sara bɔwo no ama wo afedan sisei ntamu.

Na ɔbabanyin a oedzi nda awɔtwe no, wontwa no twatsia wɔ hom mu, mbanyin nyinara wɔ hom mbasantsen mu, nyia wɔawo no wɔ fie, anaa wɔdze sika atɔ no wɔ hɔho biara hɔ a ɔmmfora w’asefo no. Nyia wɔawo no wɔ fie no, nye nyia wɔdze wo sika atɔ no, wontwitwa hɔn twatsia: na m’ahyɛmu bɛtsena hɔn honam mu dɛ daa ahyɛmu.