פסוקים פופולריים מ- Genesi 26

שתפו

Vbanya umo matshigu nya gukari, Eni nyi womo gwago, nyi na gu kategisa, kholu Eni nyi na ninga uwe ni sanana sago mayigo yaya yatshavbo, nyi na tadzisa gisambanyo nyi giridego ga babe wago Abrahama.

Nyi na andrisa livelego lago kha nga dzinyeledzi dza ndzadzini, nyi na gu ninga mayigo yaya yatshavbo. Khavbo nya melego wago, ma na kategiswa mafumbu yatshavbo nya vathu va tigoni, kholu Abrahama yingiside lito langu, a wuya a gu landrisa sileletelo sangu ni milayo yangu.”

A di dzegela gukhuga khu vbale, a vbindra aya mbeli va ya tula nambo, avbovbo kha ga manega guganedzisana, a di wu riya lina nya gupwani: “Nambo nya guandre,” kholu a di khuye: “Olu PFHUMU Nungungulu a hi ningide wulanga, hi na fuma tigoni momu.”

PFHUMU Nungungulu a di dzi wonegisa gwaye a mu embela, khuye: “U nga releli tigoni ga Egipito, khala tigoni nyi na gu nonedzago.

Isaki a di vbaha giluvelo wulanga wule, a rana lina la PFHUMU Nungungulu; khu hwane a di vbaha tshatsha waye wulanga wule, sithumi saye si di pola nambo vbale.