פסוקים פופולריים מ- ROMA 2

שתפו

Tapi sampesuwu-sampesuwu, komi mboto wo'u nanggawia pokainggu to nipakasalamu ka roamu. Jadi iwenu? Bara nipekiri komi naupa nowia iwetu komi mamala makabasaka nggari pesuku nu Alatala? Alatala nabelo mpu'u rarana, I'a mpu'u-mpu'u nosabara ri ja'i komi, pade I'a da'a nasalisa mombasuku silaka-silaka komi. Tapi ne'e komi manjapuaka kabelo nu Alatala etu! Toramo! Patuju kabelo nu rara Alatala etumo ala manggeni komi majea nggari silakamu!

Jadi sampesuwu-sampesuwu, ane komi nompakasala roamu da'a mamala komi manguli, “Aku e'i da'a ria salaku.” Sabana komi mboto wo'u nompowia pokainggu to nasimbayu ewa pokainggu roa to nipakasalamu. Jadi ante nompakasala roamu iwetu komi wo'u nompakasala koromu mboto!

sabana Alatala da'a nanggita lenje.

Sabana da'a tau-tau to nangepe Atura-atura agama to majadi manoa riara mpanggita Alatala, tapi tau-tau to nantuki Atura-atura etu.

Sabana Alatala kana mombabalasi butu mba'a tau nantuki powiana.

Tapi I'a kana manggarau bo mombasuku butu mba'a tau aga nompekiri korona mboto pade da'a nantuki pepatuduki to nakonona tapi aga nantuki to naja'ana.

Tapi komi nako'o rara, da'a madota majea. Sabana etu komi mbotomo mantambai katomo nu pesuku to rapawela ka komi ri kaopu nu dunia tempo Alatala mompopokita rau rarana bo mombabutusi potangara ante manoa.