פסוקים פופולריים מ- ROMA 14

שתפו

Sabana ane kita najadi todea to niparenta Alatala nuapa to nikonita atau niinuta da'a napokona. To napokona rarata kana manoa, kita kana matuwu mosinggabelo ante roata bo madamba-damba sabana naria Nosa Nagasa nu Alatala riara nta'ita. Ane kita mantuki Kristus ante pokainggu iwetu, kita kana rakonoa Alatala bo rabila manusia.

Natuwu atau namate kita batena nantuki dota i Pue. Natuwu atau namate kita batena bagia i Pue.

Etu sampe kita kana mompasimbuku matuwu mosinggabelo ante roata, pade mosipakaroso rara samba'a bo samba'a.

Sabana etu kuuli ka komi, ne'e mana kita mosisalaraka. Tapi kita kana mainga ala ne'e maria pokaingguta to manggeni roata topomparasaya rapesoba atau manawu ante mowia pokainggu to nirekena nasala.

Nanotomo etu sabana riara Buku Nagasa naria nitulisi iwe'i: “Alatala nanguli, ‘Natantumo butu mba'a tau kana motimbakotu ri ngayoku. Pura-pura tau kana mompangaku Akumo Alatalana.’ ” Jadi sampesuwu-sampesuwu, kita pura-pura kana mompangaku pokaingguta mboto ri ngayo Alatala banepia.

Ane maria topomparasaya to nalente pomparasayana, tarimamo ira ante mabelo. Ne'e manjalaraka pombarata ira.

Da'a masipato komi manjalaraka batua tau ntanina. Ane pokainggu batua etu nakono atau nasala, etu urusa madikana mboto, da'a urusa komi. Kakonona pokaingguna bate-batena makono sabana i Pue nakuasa nombasaro i'a.