פסוקים פופולריים מ- Joxuwa 6

שתפו

Sekoko MKOMA a to khene ka Joxuwa: “Wona! Ni ningete manzani kwako didhoropa da Jeriko, mfumeli wa dona, ni vavamna va dona, va tindena ta mtamo.

Se ku na maheka taku, ku txi vetwa ngu kulaphisa tshodi ya litxheho la hamba, na mi txi pfa diguwa da tshodi, votshe vathu va na kwangula ngutu; diguma da didhoropa di na wa hahatshi, se vathu va na wulela ka dona, mmwani ni mmwani ngu kona hale a nga rendekela kona.”

Anu koko, motshenu vavamna va yimbi, mi na tenderukela didhoropa, mi txi randela didhoropa kumweko ngu ditshiku; mi na maha eto mndani ka mtxhanu wa masiku ni dimwedo.

Se mtxhanu wa vaphaxeli ni vambidi va na teka mtxhanu wa titshodi ni timbidi, ta titxheho ta tihamba, va txi thangela masoni ka dibhokiso, se ka ditshiku da wutxhanu ni mambidi, mi na tenderuka didhoropa mtxhanu wa sikhati ni simbidi; se vaphaxeli va na veta titshodi.

Ngu toneto, matimba a Jeriko ma ti ti sekilwe me khotwa, ngu mhaka ya kuthava vanana va ka Israyeli; ni wammweyo a ti si humi hambi kuwulela.

Se ku to maheka taku, mbimo yile vaphaxeli va nga txi veta titshodi, ka txikhati txa wutxhanu ni simbidi, Joxuwa a to khene ka vathu: “Kwangulani! Nguko MKOMA a mi ningile didhoropa!”

“Didhoropa di na ruketelwa masoni ka MKOMA, dona ni sotshe si si ku ka dona; Rahabhi, awu wa digelegele, ngene ekha a no hanya, ene kumweko ni votshe vale va no maneka va diho nyumbani, nguko a sisile tixoli tile hi nga ti ruma.