פסוקים פופולריים מ- Genesisi 12

שתפו

Ni na maha lihunzu la hombe ngu ngawe; ni na kukatekisa, ni kuninga ditina da hombe, uva ditshina da makatekwa. Ni na katekisa wule a no kukatekisa, ni ruketela wule a no kueyisa. Ngu mhaka yako, ti nava ti txi katekiswa totshe tixaka ta ha mafuni.”

Sekoko MKOMA a to khene ka Abramu: “Rura ditikoni kwanu u leka maxaka ako ni nyumba ya vaveleki vako, u tsula ka ditiko di ni no kukomba.

Se Abramu a to khukha e tsula, nga ti MKOMA a nga m'gelisa tona, se Loti a to tsula nayo. Mbimo yi Abramu a nga khukha a ti ni tanga ya mtxhanu wa magumi ni magumi mambidi ni mtxhanu wa malembe, mbimo yi a nga khukha ngu Harani.

Se MKOMA a to humelela ka Abramu a txi ta khene: “Ditiko diya ni na di ningela ka liveleko lako.” Ngu konaho Abramu a nga akela MKOMA txiluvelo, a nga ti wonekisa kwakwe.