פסוקים פופולריים מ- Dhewuteronome 8

שתפו

Alakanya MKOMA, Txizimu txako, nguko ngene a ku ningako mtamo wa kumana thomba, na a txi mahela kutsanisa txitumelelano txi a nga xambanya ka vatate vako, nga ti nyamsi u ti wonako.

Se ene a mahile ti to u txi xaniseka, a ku lekile u di ni nzala, e kudyisa manna ale awe u nga ti si ma zivi, hambi vatate vako va ti si ma zive, kasi ku kukomba ti to m'thu kha hanyi ngu sakudya dwe, aniko m'thu a na hanya ngu totshe ti ti humako txisofuni ka MKOMA.

Alakanya yotshe nzila yi MKOMA, Txizimu txako, a nga maha ti to u txi tsimbila ngu yona, mune wa magumi a malembe, txiwulani, kasi ku kukhozisa ni ku kuduka, ti to e ziva ati ti ku mbiluni kwako, ti to mwendo u na vekisa sirumo sakwe, niku khu na mbi si vekisa.

ngu toneto, u nga wombe mbiluni kwako u txi khawe: “Mtamo wangu ni mtamo wa manza angu, ngu wona wu nga ni manisa thomba yiya.”

Zumba u txi ti wonela u si divali MKOMA, Txizumu txako, u txi vekisa sirumo sakwe, ni mithetho yakwe, ni milayo yi nyamsi ni ku ningako

Ngu mhaka yeto, ti zive mbiluni kwako ti to MKOMA, Txizimu txako, a na kutsayisa, kufana ni m'thu a layako mwanana wakwe.

U na ya mana sotshe, u txi dya u txi khura, kambe u na ya bonga MKOMA, Txizimu txako, ngu mhaka ya ditiko di da dinene a nga kuninga.

U na vekisa sirumo sa MKOMA, Txizimu txako, u txi tsimbila ngu tinzila takwe ni ku mthava.

awule a nga kudyisa manna txiwulani, aale vatate vanu va nga mbi ma ziva, na a txi mahela ku kuxanisa ni ku kuduka, kasi ku a txi ku mahela ta tinene

ngako u di dyite u khura, u txi maneka u di akile tinyumba ta tinene u zumba ka tona, se ngako tihomu tako ni tinvuta tako ti di andile, u txi talelwa ngu silivhela ni nzalama, ni sotshe si u ku naso i di sasingi, mbilu yako yi nga ti kukumukise, se u divala MKOMA, Txizimu txako, awu a nga kuhumisa ditikoni ka Egipta, ka nyumba ya wukhumbi

Wona, MKOMA Txizimu txako, a ku heleketako ka ditiko da dinene, ditiko do tala ngu sinambwana, ni sisima, ni maziva a mati, aale ma humako ma txi khulunga ngu mimangoni ni mu mikovani; ditiko di di pfunako fulaho ni sevhadha, da mivhinya ni mixanvu, ni miromani, ditiko da miolivha, ni mtona ni wulombe; ka ditiko di u no ya dya sakudya so mbi gumaka dona khu na mbi ya pwata txilo; ditiko di marigwi a kona i ku simbi, mimangoni ka dona u no kela koporo.

Mi na vekisa sotshe sirumo si nyamsi ni mi leletako, kasi ku mi txi si xayisa, ti to mi na hanya mi txi anda, mi txi wulela mi fuma ditiko di MKOMA, a nga thembisa ngu txixambanyo ka vatate vanu.

Syambalo sako kha sa sakala ha mmidi kwako, hambi mikondo yako kha ya simba hagari ka ona malembeyo a mune wa magumi.

awule a nga kutsimbilisa ngu mu ka txiwula txa hombe txo thisa, txo tala ni minyoka ya wuxungu, ni tihume ni mu ka ditiko do mbi na mati, a ku humisete mati ngu ka dirigwi do banga