פסוקים פופולריים מ- Dhewuteronome 4

שתפו

Sekoko kukhukhela koneyo, u na lava MKOMA, Txizimu txako, se u na ya mmana, ngako u txi mlava, ngu yotshe mbilu yako ni wotshe moya wako.

Nguko MKOMA, Txizimu txako, Njizimu txa wumbilu, kha na mbi mi leka, kambe kha na mbi mi lovisa, nguko kha na mbi divala txitumelelano txi ene a nga xambanyelana ni vatate vanu.

Nguko MKOMA, Txizimu txako, mndilo wu wu tshokomisako, Njizimu txa txiluse.

Kambe ti wonele, awe upune, u txi xayisa ngutu moya wako, kasi u si divali tosthe ti maso ako ma nga ti wona, ti si thuki ti huma mbiluni kwako, ni ka dihi ditshiku da kotshe kuhanya kwako. Ti gondise ka vanana vako ni ka vatukulu vako.

Ngu toneto, ti zive nyamsi u txi ti pimisa mbiluni kwako tito, MKOMA ngene ekha i ku Txizimu, txitimwi nzumani, ni hahatshi ha mafuni; kha ku nga ho tximwani.

Nguko ngu wuhi mfumo wa hombe, awule sizimu sa kona si ku hafuhi kufana ni MKOMA, Txizimu txathu, ka sotshe sikhati sile hi mkhongelako kani?

Amu kukaratekani kwanu, ngako otshe makhombo awa ma txi mi humelela, ka sikhati so tala, mi na tshumelela ka MKOMA, Txizimu txako, kasi kuengisa dipswi dakwe.

Mi nga engeteleni txilo ka ti ani ni mi leletako tona, kambe mi nga hunguleni txilo ka tona. Vekisani sirumo sa MKOMA, Txizimu txanu, ku nga tonti ani ni mi leletisako tona.