פסוקים פופולריים מ- 1 Vafumeli 3

שתפו

Ninga mbilu yo ziva ka txithumi txako, kasi kulamula vathu vako, ni kuziva ngu ditshuri kuhambanisa hagari ka ta tinene ni to biha; nguko i mani a ndi no lamula vathu vako vo talisa tiya kani?

wona ti to ni mahile tona ti u nga kombela; wona ti to ni ku ningile mbilu ya wuzivi ngutu ni kupimisisa, u sanzi ku va ho, wo fana ni nawe kha nga vaho, niku msana kwako, wa ku nga awe kha na mbi humelela.

Se Txizimu txi to kha txona: A ku u nga kombela tiya, u si ti kombeleli thomba, hambi wutomi wa valala vako, aniko u ti kombelete mapimo, kasi u ziva kuwila timhaka

Se ni ti u nga mbi kombela, ni ku ningile, tithomba kuva wudhundo; nga ku si maneki wo fana ni nawe hagari ka vafumeli, mndani ka masiku ako.

Se, ngako u txi tsimbila ngu tinzila tangu, u txi vekisa milayo yangu ni sirumo sangu, nga ti a nga tsimbilisa tona Dhavhidha, tate wako, kambe ni na laphisa masiku ako.

Kona Gibheyoni, MKOMA a to woneka ka Solomoni ngu miloro ni wusiku, se Txizimu txi nje kha txona: “Kombela txi u txi lavako ku ni txi kuninga.”

Konkuwa koko, awe MKOMA, Txizimu txangu, u fumisile txithumi txako ka wukhalo wa Dhavhidha, tate wangu, se ni ngadi mfana wam'dotho, kha ni kuzivi kuhuma ni kuwulela.

Dipswi diya di to pfala kwati ka MKOMA, da tiya Solomoni a nga kombela.

Se Solomoni a to khene: Awe u thumisile txithumi txako Dhavhidha, tate wangu, ngu kukateka ka hombe, ngako ene a nga tsimbila ni nawe ngu ditshuri, ni nongameto, ni kululama ka mbilu, masoni kwako; se u m'vekete txikatekiso txa hombe, u mningile mwanana wu a no khalahatsha ha txikhaloni kwako ka wukoma, nga ti ti wonekako ka masiku awa.

Se txithumi txako txi hagari ka vathu vako, ava u nga va sawula; vathu vavangi, ava ti si kotekiko ku va bala, hambi mtengo wawe, ngu kutala kwawe.