פסוקים פופולריים מ- MARCOS 9

שתפו

Jesosa jama poa onijje ba'a: —¿Yajjajje acuae mi jama poani a'a eya queaca'a poani o huoojeacuayajea'yojji epojjijo? Ojjaña ecuea acajji joya ejo jjashahuabaqui'yanicuana.

Majoya esho'ija echiimese janobajjimanei jama poa Jesosanijje ba'a: —Eya Eyacuiñajjijo e'ejojonei jjashahuabaqui'yani. Eya queaja'atii jjashahuabameequi'yocue ojo.

Majoya aje Jesosa quijjepishana equiyasijje oenei nobiqui nequi o shajja-ajjajji poanicuaa oya huohuiajjacapoa jama ba'a: —¿Yajjajje shai ecuana ca'a-ama poanaje ma eshahuamase huoojeacuayajea'yojji?— Jesosaa saja-acapoa cuana jama ba'a: —Jiquio eshahuamasecuana queaca'anee, jamatii cuayaqui'yoajja oya. Eyacuiñajjinijje mimimajje caca oe oya huoojeacuayajeameeca'yojji. ¡Mimijjimajo ca cho, ecuayaqui'yojji pojjeamatii poaje!

Sane queapame bobi shicuijji. Sane jjaseseamaquiajo, ¿yajja acajji oya queasese epo-o'oyajji? Yajjapishana de, peajja po'yonaje. Jamajjeya ecuea epeejjicuana sane queasese jama pocue. Queabihui queneama ba'epoquicue peacuananijje pea-ai.

—Ojjaña joya jiquio dejjasho'i queapame ja'ajjequijji poani ecuea bajjanijo, eya pea-ai queapame ohuaya ja'acajjequiani. E queapame ja'ajjequijji poanicuaa e huoojeajji epo pea-ai queapame ja'acajjequije.

Ojjaña joya enahuoe bisonei canecojo nequi quiajji poaje Quito shajja-ajjajji poanija eishijji comaaya jjeshecaje Eyacuiñajjija quia o queapame poanaje sosejje.— Jamaya huohuicapoa cuana Jesosaa.

Jesosaa huohuipea-aicapoa cuana jama ba'a: —Ojjaña joya ecuea epeejji ca'a-ama eyacua ejo ejjashahuabaqui'yo queamimishi pomeesapojjicuana comaya canaajeyocahua mei-aijo bae-ai enaojjo queadoeneeyasijje edojonobiajeameequi'yojji ohua o queamimishi epomeeca cuahuajo. Jamaya queapame pome ojaya pea queamimishi pomeejjima yajji, Eyacuiñajjija oya queaneeneetii pomee'yojjima yajji.

Oya jayojja miya miquea ecojjaa queamimishitii pomeecani jjabaquimajje jjacojjacajjajeaquicue. Majoya miya quijje queapame poqui'yome Eyacuiñajjiya ojjañacuana huoojeacapoquiani meshi Eyahuasijje jamatii cojjamiji oe nequi. Queapame pojjeama mi po'yome Cuaqui-aiyasijje ejeajea'yo nequi jamatii cojjabecatii.