פסוקים פופולריים מ- LUCAS 5

שתפו

Majo aniya Jesosaa esohui huohuijeyomajje Simón jama acapoa ba'a: —Joma doedoeyasijje bishe' dojocue. Cuamaya nahuoo queahuiso nequi shojeacue.

Simonya oya saja-acapoa jama ba'a: —Esohuihuohuijji, ecuaa queahuiso ojjaña jiquio mecajjetii nahuoo shojea-ajjachichanaje. Chama'neinei poanaje, nobiquijjima. Jamatii miya jama ajje eyaya shojeaje o'oya.— Majoya aje cuamaya ohua shojeacajo queahuisoneenee nahuoocuana nobiquiapoa, jamajjeya ojaya nahuooshojeajji quecuaisajea-ajjacapoa queahuisohuajjejojo.

Jesosa ca se-ejjama' meshiyasijje poquimajamajanequiapoa oenei ani Eyacuiñajjinijje mimiya.

Eya poeyanaje jiquio oyaneitii queapame ba'yani jjabaquijjicuana sa-ajjaa pojjeama. Eya caca poeyanaje mimishicuana sa-ajjaa oya pea jjashahuabaquime o pomee'yohua oja mimishicuanajo.

Simón Pedro nahuoo queahuisoneenee jjequishojeacanaje bamajje oja ecuioshajjajo nequiapoa Jesosa huohuijji jama ba'a: —Emeshimesenei, jjanequishiñaquicue enijje nequi, eya queamimishi poanijojoya.

Jesosaa saja-acapoa cuana jama ba'a: —Joya yajayaja poani, manojjima eshicuijjibajji poani dejjajo jjashicuimeequica-ajja. Emanocuana caca oe jjashicuimeequicajji ojo.

Majoya beca bishe' jjequisohuajeaca'yapoa cuaa etajahuasijje majotii jaa ejeajeana'yojji. Ojjaña nahuoo shojeajji aquianacuana pea-ai jeajeana'yomajje Jesosanijje poqui'yapoa Pedro, Juan, Santiago pea-ai.

Majoya oe pojjajo Jesosa oe pueblojo nequi oe dejja oque poeapoa queamanonee leprajo. Jesosa bamajje oya ecuioshajjajo anioquemajje bahua jaaoqueapoa meshiyasijje. Majoya ohuaya Jesosa huohuiajjaneineicapoa jama ba'a: —Emeshimesenei, miyaya eya jjajeameequi'yosa-amajje eya jjajeameequije'yo.— Jesosaa oja emeya yami napamajje dejja emano jama acapoa ba'a: —E'e, eyaya miya jjajeameequi'yosa-aña. Jjeyanei mi jjajeaquije'yo, leprama' poaje'yo.— Jesosaa esohui jama acajeahuajotii dejja queamanonee leprajo jjajeananaqui'yapoa, leprama'yo poa.

Jamatii Jesosaa dejja huohuicanaje ojaya peacuana huohuijjima yajji nisho queahuisocuaa ohua dejjaja ajjima'neinei amajamajacani shajja-ajjacapoquiapoa queahuesha. Jamajjeya queahuisocuana jjachichaquicapoa oque oja esohui shajja-ajjaa, emanocuana pea-ai yecapoa oja ejja-ajameequi'yojji.