פסוקים פופולריים מ- Secunnu Matteu 16

שתפו

Allura Gesù dissi a li soi discipuli: Si qualcunu voli veniri appressu a mia, sagrificassi se stissu, si pigghiassi la so cruci, e mi seguissi.

Ed iu ti dicu, ca tu sì Petru, e supra sta petra fabbrichirrò la me chiesa, e li forzi di l’ infernu nun avrannu valia contra d’ idda.

Ed a tia daroggiu li chiavi di lu regnu di li celi. E qualunqui cosa avrai ligatu supra la terra, sarrà puru ligata ntra li celi: e qualunqui cosa avrai sciugghiuta supra la terra, sarrà puru sciugghiuta ntra li celi.

Giacchì cui vurrà salvari la so vita, la pirdirrà: e cui poi pirdirrà la so vita pri mia, la truvirrà.

Giacchì chi cci giuva a l’ omu di guadagnari tuttu lu munnu, si poi suffrirrà dannu pri l’ anima sua? O chi putrà dari l’ omu in cumpensu di l’ anima sua?

E Gesù cci dissi: E vuautri, cui diciti, ca sugnu iu? E Petru Simuni rispunnennu, dissi: Tu sì Cristu, figghiu di lu Diu vivu.

E Gesù rispusi, e cci dissi: Beatu sì tu, Simuni Bar‐Jona: giacchì la carni, e lu sangu nun ti lu rivelau, ma me Patri, ca è ntra li celi.